![metaverse](https://cdn.abplive.com/imagebank/metaverse-top.png)
Marathi Movies: ऑक्टोबर महिन्यात मनोरंजनाचा धमाका; 'हे' मराठी चित्रपट येणार प्रेक्षकांच्या भेटीला
Marathi Movies: ऑक्टोबर महिना हा सिनेप्रेमींसाठी खास असणार आहे. ऑक्टोबर महिन्यात काही मराठी चित्रपट (Marathi Movies) थिएटरमध्ये रिलीज होणार आहेत.
![Marathi Movies: ऑक्टोबर महिन्यात मनोरंजनाचा धमाका; 'हे' मराठी चित्रपट येणार प्रेक्षकांच्या भेटीला Marathi Movies Boyz 4 To Aatmapamphlet This Marathi movie will release in the month of October Marathi Movies: ऑक्टोबर महिन्यात मनोरंजनाचा धमाका; 'हे' मराठी चित्रपट येणार प्रेक्षकांच्या भेटीला](https://feeds.abplive.com/onecms/images/uploaded-images/2023/09/30/81d19cc56e912b4874a4adb610d2cdbf1696066271610259_original.jpg?impolicy=abp_cdn&imwidth=1200&height=675)
Marathi Movies: वेगवेगळे चित्रपट थिएटरमध्ये रिलीज होत असतात. ऑक्टोबर महिना हा सिनेप्रेमींसाठी खास असणार आहे. कारण ऑक्टोबर महिन्यात काही मराठी चित्रपट (Marathi Movies) थिएटरमध्ये रिलीज होणार आहेत. ऑक्टोबर महिन्यात रिलीज होणाऱ्या मराठी चित्रपटांबद्दल जाणून घेऊयात...
'आत्मपॅम्फ्लेट' (Aatmapamphlet)
अत्यंत अतरंगी, विनोदी प्रेमकथा सांगणारा 'आत्मपॅम्फ्लेट' हा मराठी चित्रपट 6 ऑक्टोबर रोजी रिलीज होणार आहे. आशिष अविनाश बेंडे यांनी या चित्रपटाचं दिग्दर्शन केलं आहे. 'आत्मपॅम्फ्लेट' या चित्रपटाचे लेखन परेश मोकाशी यांनी केले आहे. आत्मपॅम्फ्लेट या चित्रपटाच्या टीझर आणि ट्रेलरनं प्रेक्षकांचे लक्ष वेधले होते. आता या चित्रपटाची प्रेक्षक उत्सुकतेने वाट बघत आहेत. या चित्रपटात ओम बेंडखळे, प्रांजली श्रीकांत भीमराव मुडे आणि केतकी सराफ या कलाकारांनी काम केलं आहे.
View this post on Instagram
बॅाईज 4 (Boyz 4)
बॅाईज या चित्रपटाच्या तीन भागांना प्रेक्षकांची विशेष पसंती मिळाली. आता या चित्रपटाचा चौथा भाग प्रेक्षकांच्या भेटीस येणार आहे. बॅाईज 4 हा चित्रपट 20 ॲाक्टोबर रोजी रिलीज होणार आहे. सुमंत शिंदे, पार्थ भालेराव, प्रतिक लाड, अभिनय बेर्डे, निखील बने, गौरव मोरे, रितुजा शिंदे, जुई बेंडखळे, गिरीष कुलकर्णी, यतीन कार्येकर, समीर धर्माधिकारी आणि ओम पाटील अशी तगडी स्टार कास्ट प्रेक्षकांना बॅाईज 4 या चित्रपटात बघायला मिळणार आहे. या चित्रपटाचे दिग्दर्शन विशाल सखाराम देवरूखकर यांनी केले आहे.
View this post on Instagram
अंकुश (Ankush)
केतकी माटेगावकर आणि दीपराज, चिन्मय उदगीरकर यांचा अंकुश हा चित्रपट 6 ऑक्टोबर रोजी रिलीज होणार आहे. या चित्रपटाचे दिग्दर्शन निशांत नथाराम धापसे यांनी केले आहे.
सिंगल (Single)
अभिनेता प्रथमेश परबचा सिंगल हा चित्रपट 27 ऑक्टोबर रोजी रिलीज होणार आहे. प्रथमेशनं या चित्रपटाचं पोस्टर काही दिवसांपूर्वी सोशल मीडियावर शेअर केले होते. या पोस्टरला त्यानं कॅप्शन दिलं, 'सिंगल एकटाच येतो... अन् एकटाच जातो... रहातात ते सिंगलभक्त!'
गौतमी पाटीलचा घुंगरू हा चित्रपट देखील ऑक्टोबर महिन्यामध्ये रिलीज होणार आहे. या चित्रपटामधील गौतमीचा अभिनय पाहण्यास प्रेक्षक उत्सुक आहेत.
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)