एक्स्प्लोर
Advertisement
![ABP Premium](https://cdn.abplive.com/imagebank/Premium-ad-Icon.png)
अभिनेत्रीशी गैरवर्तन करणाऱ्या अभिनेत्याला बेड्या
पुण्यातील वानवडी पोलिस ठाण्याच्या लेडीज वॉशरुममध्ये आरोपी अभिनेता सुभाष यादवने तक्रारदार अभिनेत्रीशी लगट करण्याचा प्रयत्न केला. त्याच्याविरुद्ध वानवडी पोलिस ठाण्यात विनयभंगाचा गुन्हा दाखल करण्यात आला आहे.
![अभिनेत्रीशी गैरवर्तन करणाऱ्या अभिनेत्याला बेड्या Marathi actor Subhash Yadav arrested in Sexual harassment case by Marathi actress अभिनेत्रीशी गैरवर्तन करणाऱ्या अभिनेत्याला बेड्या](https://static.abplive.com/wp-content/uploads/sites/4/2018/10/31234104/Actress-Molestation-Subhash-Yadav.jpg?impolicy=abp_cdn&imwidth=1200&height=675)
मुंबई : मराठी चित्रपट अभिनेत्रीशी गेल्या दोन वर्षांपासून गैरवर्तन करणाऱ्या अभिनेत्याला अटक करण्यात आली आहे. 27 वर्षीय सुभाष यादवला पुण्यातील वानवडी पोलिसांनी बेड्या ठोकल्या. अभिनेत्री सारा श्रवणने फेसबुकवर यासंबंधी व्हिडिओ शेअर केला आहे.
आरोपी सुभाषने तक्रारदार अभिनेत्रीसोबत अनेक वेळा लगट करण्याचा प्रयत्न केल्याचा आरोप आहे. विशेष म्हणजे, पुण्यातील वानवडी पोलिस ठाण्याच्या लेडीज वॉशरुममध्ये त्याने पुन्हा अभिनेत्रीशी लगट करण्याचा प्रयत्न केला. त्याच्याविरुद्ध वानवडी पोलिस ठाण्यात विनयभंगाचा गुन्हा दाखल करण्यात आला आहे.
मुंबईत राहणाऱ्या 23 वर्षीय अभिनेत्रीने वानवडी पोलिस ठाण्यात फिर्याद दिली होती. गेल्या दोन वर्षांपासून एका मराठी चित्रपटाचं राज्यात विविध ठिकाणी शूटिंग सुरु आहे. सुभाष यादवने संबंधित अभिनेत्रीशी लगट करण्याच्या उद्देशाने अनेकदा फोन केला. त्याला अभिनेत्रीने कुठलाही प्रतिसाद दिला नाही, तरीही सुभाषने तिचा पाठलाग सोडला नाही.
आरोपीने बदनामी करण्याची धमकी दिल्यामुळे अभिनेत्रीने त्याला भेटण्यासाठी चतु:श्रुंगी मंदिर परिसरात समजावून सांगण्यासाठी बोलावलं. मात्र त्याने पुन्हा बदनामी करण्याची धमकी दिली. त्यामुळे अभिनेत्रीच्या ड्रायव्हरने पोलिसांना फोन केला. दोन पोलिस तात्काळ घटनास्थळी पोहचले आणि त्यांनी आरोपीला पांडवनगर पोलिस चौकीत नेलं.
त्यावेळी आरोपी सुभाष यादवने अभिनेत्रीची माफी मागितली. त्यामुळे तिने सुभाषविरुद्ध पोलिसांकडे तक्रार दिली नाही. मात्र गेल्या काही दिवसांपासून सुभाषने त्यांना पुन्हा टार्गेट करणं सुरु केलं. त्यामुळे तिने पोलिसात धाव घेतली.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
क्राईम
महाराष्ट्र
रत्नागिरी
महाराष्ट्र
Advertisement
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)
उमेश अलोणे, एबीपी माझाअकोला जिल्हा प्रतिनिधी
Opinion