Manasi Naik : "माझं खरं खोटं देवालाच ठाऊक"; मानसी नाईकची लक्षवेधी पोस्ट
Manasi Naik : मानसी नाईकने सोशल मीडियावर एक खास पोस्ट लिहिली आहे.
Manasi Naik : मराठमोळी अभिनेत्री मानसी नाईक (Manasi Naik) गेल्या काही दिवसांपासून वैयक्तिक कारणांमुळे चर्चेत आहे. मानसीचा नुकताच घटस्फोट झाला असून आता तिने नवीन घरदेखील घेतलं आहे. दरम्यान सोशल मीडियावर एक खास पोस्ट शेअर करत तिने आयुष्यात पुढे जात असल्याचं सांगितलं आहे.
मानसीची पोस्ट काय आहे? (Manasi Naik Post)
मानसीने लिहिलं आहे,"स्वत:च्या स्वार्थासाठी परमार्थ करत आहे. नवे रस्ते शोधण्यासाठी जुन्या वाटेने जात आहे. विश्वासानाचे कोणावर विश्वास ठेवत आहे. अविश्वासाने संशय घेत आहे. त्यावर सत्याच्या वाटेने जाण्यासाठी असत्याची कास धरावी लागते. माझं खरं खोटं देवालाच ठाऊक आहे. म्हणूनच माझा त्याच्यावर विश्वास आहे".
मानसीने पुढे लिहिलं आहे,"भावनांचा विचार केलात तर माझं मन दगड आहे. मनाच्या या दगडाला प्रामाणिकतेचा पैलू आहे. प्रामाणिकपणे या दगडाला एक एक पैलू पडत आहे. हिरा होईल ना होईल या दगडाची किंमत वाढवत आहे. पुढे जाण्याचा निर्णय घेतला पाहिजे. हे आपोआप होणार नाही. तुमच्यासाठी हे नक्कीच कठीण असेल. मला या गोष्टीची पर्वा नाही. मी किती निराश आहे, याची मला पर्वा नाही. पण मी माझ्याकडून सर्वोत्तम देण्याचा प्रयत्न करत आहे. आयुष्यात मी पुढे जात आहे".
View this post on Instagram
मानसी नाईक सोशल मीडियावर अॅक्टिव्ह असून सोशल मीडियाच्या माध्यमातून चाहत्यांच्या संपर्कात राहण्याचा प्रयत्न करत असते. मानसीने नुकतचं अक्षय्य तृतीयेच्या मुहूर्तावर नव्या घरात गृहप्रवेश केला आहे. नवीन घरात गृहप्रवेश करतानाचा व्हिडीओ तिने सोशल मीडियावर शेअर केला होता.
मानसी नाईकबद्दल जाणून घ्या... (Who is Manasi Naik)
मानसी नाईक अभिनेत्री असण्यासोबत एक उत्कृष्ट नृत्यांगणा आहे. तिने मराठी मालिका आणि सिनमांत आपल्या अभिनयाची छाप सोडली आहे. तिने 2007 साली 'जबरदस्त' या सिनेमाच्या माध्यमातून मराठी सिनेसृष्टीत पदार्पण केलं आहे. पण 'चार दिवस सासूचे' या मालिकेच्या माध्यमातून ती घराघरांत पोहोचली. 'वाट बघतोय रिक्षावाला', 'बाई वाड्यावर या' या तिच्या गाण्यांना प्रेक्षकांची पसंती मिळाली आहे. 'जबरदस्त', 'फक्त लढ म्हणा' यांसारख्या सिनेमांतदेखील ती झळकली आहे.
संबंधित बातम्या
Manasi Naik : मानसी नाईकचा घटस्फोट? चर्चांवर मानसी नाईक अप्रत्यक्षरित्या म्हणाली,"डोळ्यासमोर काळी पट्टी बांधली..."
महत्त्वाच्या बातम्या
