Manasi Naik: 'दे तू घटस्फोट, तुझ्यासारख्या मुली...'; नेटकऱ्यानं केलं ट्रोल, मानसीचं सडेतोड उत्तर
काही दिवसांपूर्वी मानसीच्या (Manasi Naik) व्हिडीओवर एका नेटकऱ्यानं कमेंट केली. या कमेंटनं अनेकांचे लक्ष वेधलं. या कमेंटला मानसीनं रिप्लाय दिला.
Manasi Naik: मराठी चित्रपटसृष्टीमधील प्रसिद्ध अभिनेत्री मानसी नाईक (Manasi Naik) गेल्या काही दिवसांपासून वैयक्तिक आयुष्यामुळे चर्चेत आहे. मानसीचा घटस्फोट होणार, अशी चर्चा सोशल मीडियावर सुरु होती. मानसीनं एका मुलाखतीमध्ये सांगितलं होतं की तिनं घटस्फोटासाठी अर्ज केला आहे. काही दिवसांपूर्वी मानसीच्या व्हिडीओवर एका नेटकऱ्यानं कमेंट केली. या कमेंटनं अनेकांचे लक्ष वेधलं. या कमेंटला मानसीनं रिप्लाय दिला.
नेटकऱ्यानं केली कमेंट:
नेटकऱ्यानं मानसीनं शेअर केलेल्या व्हिडीओला कमेंट केली होती, 'देच तू घटस्फोट तुझ्यासारख्या मुली संसाराच्या लायक नसतात. आयुष्यात एकाकी राहण हेच तुझ्या नशिबात आहे.'
मानसीचा रिप्लाय
मानसीनं या कमेंटला रिप्लाय दिला होता, 'माझ्यासारख्या मुली? तुम्हाला नक्की काय म्हणायचं आहे? संसार आम्ही सुद्धा करु शकतो. संसार दोघांचा असतो, एकट्याचा नाही. कलाकार म्हणून आमचा अपमान करणं सोपं आहे. आम्ही संसार आणि काम सांभाळत पुढे जातो. तुम्ही मला ओळखता का? तुम्ही स्त्री म्हणून अशी कमेंट कशी करु शकता? तुमच्या वैयक्तिक आयुष्यावर आम्ही कमेंट केली का? फक्त मनु-मनु म्हणत व्होग्स होतात घर नाही चालत बहीण.'
मानसीनं प्रदीपला सोशल मीडियावर अनफॉलो केलं तसेच तिनं प्रदीपसोबतचे सर्व फोटो डिलीट केले. त्यामुळे ते दोघे विभक्त होणार आहेत,अशी चर्चा सोशल मीडियावर झाली.
19 जानेवारी 2021 रोजी मानसी आणि प्रदीप यांचा विवाह सोहळा पार पडला. या दोघांच्या विवाह सोहळ्याचे फोटो सोशल मीडियावर व्हायरल झाले होते. मानसीचा 'एकदम कडक' हा चित्रपट 2 डिसेंबर रोजी रिलीज होणार आहे. तिच्या 'बाई वाड्यावर या', 'वाट बघतोय रिक्षावाला' या गाण्यांना प्रेक्षकांची विशेष पसंती मिळाली. मानसी तिच्या नृत्यशैलीनं नेहमीच प्रेक्षकांची मनं जिंकते. मानसी सोशल मीडियावर अॅक्टिव्ह असते. वेगवेगळ्या लूकमधील फोटो आणि व्हिडीओ ती सोशल मीडियावर शेअर करते.
View this post on Instagram
Before You Go
Anandache Paan : 'खोचक रेषा' या पुस्तकाच्या निमित्ताने लेखक अभिमन्यू कुलकर्णी यांच्यासोबत गप्पा
महत्त्वाच्या बातम्या
