(Source: ECI/ABP News/ABP Majha)
Ott Web Series And Movies: 'लॉस्ट' ते 'कार्निव्हल रो 2'; या वीकेंडला हे चित्रपट आणि वेब सीरिज पाहा ओटीटीवर
Ott Web Series And Movies: या वीकेंडला काही खास चित्रपट आणि वेब सीरिज तुम्ही ओटीटीवर पाहू शकतात.
Ott Web Series And Movies: ओटीटी (OTT) प्लॅटफॉर्मवरील विविध विषयांवर आधारित असणाऱ्या वेब सीरिज आणि (Web Series) चित्रपटांना प्रेक्षकांची पसंती मिळते. ओटीटी रिलीज झालेल्या सीरिज अनेक लोक बिंच वॉच करतात. या वीकेंडला काही खास चित्रपट आणि वेब सीरिज तुम्ही ओटीटीवर पाहू शकतात.
लॉस्ट (Lost)
ओटीटी प्लॅटफॉर्मवर अनिरुद्ध रॉय चौधरी दिग्दर्शित लॉस्ट या चित्रपटाची प्रेक्षक उत्सुकतेने वाट बघत होते. यामी गौतमने या चित्रपटात प्रमुख भूमिका साकारली आहे. हा उत्कृष्ट चित्रपट 16 फेब्रुवारी रोजी झी-5 या ओटीटी प्लॅटफॉर्मवर प्रदर्शित होणार आहे.
View this post on Instagram
अ गर्ल अँड एन अॅस्ट्रोनॉट (A Girl and an Astronaut)
अ गर्ल अँड एन अॅस्ट्रोनॉट ही वेब सीरिज 17 फेब्रुवारी रोजी प्रेक्षकांच्या भेटीस येणार आहे. या सीरिजमध्ये प्रेक्षकांना एक खास लवस्टोरी बघता येणार आहे. नेटफ्लिक्स या ओटीटी प्लॅटफॉर्मवर तुम्ही ही वेब सीरिज पाहू शकता.
लकी लक्ष्मण (Lucky Lakshman)
लकी लक्ष्मण या चित्रपटाला आयएमडीबीवर 8.2 एवढे रेटिंग मिळाले आहेत. टॉलिवूडचा हा चित्रपट अहा (Aha) या ओटीटी प्लॅटफॉर्मवर 17 फेब्रुवारी रोजी रिलीज होणार आहे.
कार्निव्हल रो 2(Carnival Row 2)
कार्निव्हल रो 2 ही सीरिज 15 फेब्रुवारीला प्रेक्षकांच्या भेटीस आली. कार्निव्हल रो-2 च्या पहिला सिझनला देखील प्रेक्षकांची पसंती मिळाली होती. अॅमेझॉन प्राइम व्हिडीओ (Amazon Prime Video) या ओटीटी प्लॅटफॉर्मवर तुम्ही कार्निव्हल रो 2 सीरिज पाहू शकता.
वाळवी
8.8 एवढे आयएमडीबी रेटिंग असलेली 'वाळवी' ही सर्वोच्च रेटिंग प्राप्त झालेली मराठी फिल्म आहे. समीक्षक आणि प्रेक्षकांनी या फिल्मला सारखीच दाद दिली. अनन्यसाधारण पटकथा, अनपेक्षित धक्के, वळणे आणि अभिनेत्यांची दमदार कामगिरी यांमुळे ही फिल्म प्रेक्षक आणि समीक्षकांच्या पसंतीस उतरली. 24 फेब्रुवारी 2023 पासून बघा ‘वाळवी’ झी 5 या ओटीटी प्लॅटफॉर्मवर रिलीज होणार आहे.
View this post on Instagram
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
