KGF 2 Box Office Collection : ‘डॉक्टर स्ट्रेंज’च्या रिलीजनंतरही ‘केजीएफ 2’चाच बोलबाला! चौथ्या आठवड्यातही कमाईच्या बाबतीत मारली बाजी!
KGF 2 : ‘KGF Chapter 2’ हा चित्रपट आपल्या धडाकेबाज कमाईमुळे सतत चर्चेत असतो. देशातूनच नाही, तर परदेशातूनही या चित्रपटाला उदंड प्रतिसाद मिळत आहे.
KGF 2 : साऊथ सुपरस्टार यशचा (Yash) ‘केजीएफ 2’ (KGF 2) सलग चौथ्या आठवड्यातही बॉक्स ऑफिसवर धुमाकूळ घालत आहे. मार्व्हल स्टुडीओचा ‘डॉक्टर स्ट्रेंज इन द मल्टीवर्स ऑफ मॅडनेस’ हा चित्रपटही नुकताच थिएटरमध्ये रिलीज झाला आहे. या चित्रपटाची क्रेझ देखील बॉक्स ऑफिसवर दिसली. या चित्रपटामुळे ‘केजीएफ 2’च्या कलेक्शनवर किंचितसा परिणाम झाला असला, तरी ‘केजीएफ 2’चा बोलबाला मात्र दिसून येत आहे. 'KGF Chapter 2' चित्रपटाच्या हिंदी व्हर्जनच्या कलेक्शनने 400 कोटी रुपयांचा टप्पा ओलांडला आहे.
‘KGF Chapter 2’ हा चित्रपट आपल्या धडाकेबाज कमाईमुळे सतत चर्चेत असतो. देशातूनच नाही, तर परदेशातूनही या चित्रपटाला उदंड प्रतिसाद मिळत आहे. यशची स्टाईल आणि अॅक्शन पाहण्याची क्रेझ लोकांमध्ये स्पष्टपणे दिसून येत आहे. चित्रपट प्रदर्शित होऊन 23 दिवस झाले आहेत आणि अजूनही चित्रपटगृहांमध्ये रॉकीची जादू कायम आहे.
सर्वाधिक कमाई करणारा चित्रपट
‘केजीएफ 2’ने या चित्रपटाने एका विक्रमाला गवसणी घातली आहे. KGF 2 हा हिंदीतील आतापर्यंतच्या सर्वाधिक कमाई करणाऱ्या चित्रपटांच्या यादीत सामील झाला आहे. KGF 2 ला या यादीत दुसरे स्थान मिळाले आहे. KGF बॉक्स ऑफिसवर चमकदार कामगिरी करत आहे. जगभरात चित्रपटाने 1110 कोटींचा टप्पा पार केला आहे. यशसोबत केजीएफमध्ये रवीना टंडन आणि संजय दत्त दिसले आहेत.
चित्रपट 14 एप्रिल रोजी कन्नड, तमिळ, तेलगू, हिंदी आणि मल्याळम भाषांमध्ये प्रदर्शित झाला होता. आता हा चित्रपट सर्व रेकॉर्ड मोडेल, अशी अपेक्षा या चित्रपटाबाबत व्यक्त केली जात आहे. त्याचवेळी, सोशल मीडियावर सतत चर्चा सुरु आहे की, केजीएफचा तिसरा भाग देखील लवकरच प्रेक्षकांच्या भेटीला येऊ शकतो.
हेही वाचा :
महत्त्वाच्या बातम्या
