Katrina Kaif Pregnant : बॉलिवूड अभिनेत्री दीपिका पादुकोण (Deepika Padukone) लवकरच आई होणार आहे. काही दिवसांपूर्वी सोशल मीडियावर एक खास पोस्ट शेअर करत अभिनेत्रीने चाहत्यांना आनंदाची बातमी दिली. दीपिकानंतर आता कतरिना कैफ (Katrina Kaif) प्रेग्नंट असल्याची शक्यता वर्तवली जात आहे. अभिनेत्रीचे बेबी बंप दिसतानाचे फोटो आणि व्हिडीओ सोशल मीडियावर व्हायरल होत आहेत.
कतरिना कैफचा एअरपोर्टवरील पोलका डॉट ड्रेसमधील व्हिडीओ सोशल मीडियावर व्हायरल होत आहे. या ड्रेसवर तिने काळ्या रंगाचं लेदरचं जॅकेट घातलेलं दिसून येत आहे. पोट लपवण्यासाठी कतरिनाने खास पोलका डॉट ड्रेस परिधान केल्याचं म्हटलं जात आहे. या फोटोवर नेटकऱ्यांनी कमेंट्सचा वर्षाव केला आहे. प्रेग्नंसी ड्रेस, बेबी बंप लपवण्यासाठीचा ड्रेस, दीपिकानंतर आता कतरिना गुड न्यूज देणार, अशा कमेंट्स नेटकऱ्यांनी केल्या आहेत.
सोशल मीडिया इन्फ्लुएंसर सुहर्षी गुप्ताने कतरिनासोबतचे दोन फोटो शेअर केले आहेत. या फोटोनंतर अभिनेत्रीच्या प्रेग्नंसीच्या चर्चांना पुन्हा एकदा सुरुवात झाली आहे. वुमन क्रिकेट लीगमधील फोटो तिने शेअर केले आहेत. फोटोमध्ये तिने यूपी वॉरियर्सची जर्सी घातलेली दिसत आहे. स्पोर्टी लूकमध्ये तिचे बेबी बंप दिसत आहेत.
बॉलिवूडमध्ये प्रेग्नंसीच्या चर्चा
बॉलिवूडमध्ये काही दिवसांपासून प्रेग्नंसीच्या चर्चा सुरू आहेत. ऋचा चड्ढा आणि अली फजल यांनी काही दिवसांपूर्वी प्रेग्नंसीची बातमी चाहत्यांसोबत शेअर केली होती. त्यानंतर अनुष्का शर्मा (Anushka Sharma) दुसऱ्यांदा आई झाली. दीपिका पादुकोण (Deepika Padukone) आणि रणवीर सिंहदेखील (Ranveer Singh) लवकरच आई-बाबा होणार आहेत. दुसरीकडे परिणीती चोप्रादेखील (Parineeti Chopra) लवकरच आई होणार असल्याचीदेखील चर्चा आहे.
कतरिना-विकीची हटके लव्हस्टोरी (Katrina Kaif Vicky Kaushal Love Story)
कतरिना आणि विकीची लव्हस्टोरी मजेशीर अंदाजात सुरू झाली आहे. करण जौहरच्या चॅटशोमध्ये त्यांची पहिली भेट झाली होती. पुढे त्यांची मैत्री झाली आणि या मैत्रीचं रुपांतर प्रेमात झालं. विकीने कतरिनाला सर्वांसमोर प्रपोज केलं होतं. दोन वर्षे एकमेकांना डेट केल्यानंतर त्यांनी संसार थाटण्याचा निर्णय घेतला.
संबंधित बातम्या