Katrina Kaif-Vicky Kaushal New Year Photos : बॉलिवूड अभिनेता विकी कौशल (Vicky Kaushal) आणि कतरिना कैफ (Katrina Kaif) यांनी लग्नानंतरचे पहिले नवीन वर्ष एकत्र साजरे केले. मात्र, नवीन वर्ष एकत्र साजरे केल्यानंतर बॉलिवूडमधील हे नवविवाहित जोडपे लवकरच दूर झाले आहे कारण विकी कौशल आता शूटिंगसाठी रवाना झाला आहे. यावेळी पत्नी कतरिनाने अत्यंत रोमँटिक पद्धतीने त्याला बाय केले.


विक्की कौशलने 31 डिसेंबरच्या दिवशी मुंबईत नव्हता. मात्र, आपल्या नववधुसोबत नवीन वर्ष साजरे करण्यासाठी तो 31 डिसेंबरला मुंबईत परतला. हे कतरिनासाठी सरप्राईज होते. यानंतर दोघांनी थर्टी फर्स्ट आणि नवे वर्ष जल्लोषात एकत्र साजरे केले. मात्र, त्यानंतर 1 जानेवारीला विकी पुन्हा कामावर रुजू झाला. विकी कौशल चित्रपटाच्या शूटिंगसाठी इंदौरला रवाना झाला.




त्याचवेळी कतरिना कैफनेही पती विकीला बाय करण्यासाठी एअरपोर्टवर पोहोचली. जिथे कतरिनाने विकीला किस करत निरोप दिला. इतकेच नाही तर कतरिना आणि विकीचे हे क्षण तिथे उपस्थित असलेल्या पापाराझींनी आपल्या कॅमेऱ्यात कैद केले. आता कतरिना आणि विकी कौशलचे हे फोटो सोशल मीडियावर चांगलेच व्हायरल होत आहेत. या नवविवाहित जोडप्याच्या प्रेमाचे चाहते कौतुक करत आहेत.


विकी कौशल सध्या इंदौरमध्ये 'लुका-छुपी 2' चित्रपटाच्या शूटिंगमध्ये व्यस्त आहे. यापूर्वी विकी कौशल ख्रिसमससाठी शूटिंग सोडून मुंबईला पोहोचला होता. तर दुसरीकडे कतरिना कैफही तिच्या आगामी चित्रपटाच्या शूटिंगमध्ये व्यस्त आहे. कतरिना लवकरच साऊथ सुपरस्टार विजय सेतुपतीसोबत चित्रपटात झळकणार आहे.


संबंधित बातम्या



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha