Kajal Aggarwal Pregnant : गुड न्यूज! सिंघम गर्ल काजल अग्रवाल लवकरच होणार आई

Kajal Aggarwal Pregnant : काजल अग्रवाल आणि गौतम किचलू लवकरच आई-बाबा होणार आहेत.

Kajal Aggarwal Pregnant : सिंघम गर्ल काजल अग्रवाल आणि गौतम किचलू लवकरच आई-बाबा होणार आहेत. नवीन वर्षाच्या निमित्ताने त्यांनी अधिकृतपणे यासंदर्भात माहिती दिली आहे. काजलचा फोटो शेअर करत गौतमने लिहिले आहे,"2022 तुझ्याकडे पाहत आहे". त्यासोबत त्याने गर्भवती महिलेचा इमोजीदेखील शेअर केला आहे. गूढ पद्धतीने त्यांनी चाहत्यांना गोड बातमी दिली आहे.

काजलने अद्याप यासंदर्भात कोणतीही माहिती दिलेली नाही. परंतु तिने शेअर केलेल्या फोटोद्वारे ती गर्भवती असल्याचा अंदाज लावला जात आहे. नवीन वर्षाच्या पूर्वसंध्येला काजलने तिच्या चाहत्यांना शुभेच्छा देण्यासाठी एक पोस्ट शेअर केली होती. काजलचा पती गौतम किचलू हा एक इंटिरियर डिझाइनर आहे आणि त्याचं एक ऑनलाईन स्टोअर आहे.

काजल अग्रवाल आणि गौतम किचलूने अलीकडेच लग्नाचा पहिला वाढदिवस साजरा केला होता. ऑक्टोबर 2020 मध्ये त्यांचा लग्नसोहळा पार पडला होता. काजल अग्रवालने लग्नाच्या पहिल्या वाढदिवशी पोस्ट शेअर करत लिहिले होते,,"मध्यरात्री तु झोपेत असतानादेखील मी तुझ्यावरच प्रेम करते. तुला आपल्या पहिल्या लग्नाच्या वाढदिवसाच्या शुभेच्छा".

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha