Karwa Chauth 2022: ‘चाँद नजर आया...’; मनोरंजन विश्वातील ‘या’ अभिनेत्री साजरा करणार पहिला ‘करवा चौथ’!
Karwa Chauth 2022: बॉलिवूडमध्ये अशा अनेक अभिनेत्री आहेत, ज्या यंदा लग्नानंतरचा पहिला करवा चौथ साजरा करणार आहेत.
Karwa Chauth 2022: आज म्हणजे 13 सप्टेंबर रोजी देशभरात ‘करवा चौथ’चा (Karwa Chauth 2022) सण साजरा केला जात आहे. या खास दिवशी सर्व विवाहित स्त्रिया आपल्या पतीच्या दीर्घायुष्यासाठी उपवास करतात आणि रात्री चंद्र पाहूनच उपवास सोडतात. करवा चौथची धामधूम बॉलिवूडमध्येही पाहायला मिळते. शिल्पा शेट्टीपासून अनुष्का शर्मापर्यंत अनेक अभिनेत्री आपल्या पतींसाठी हे व्रत करतात. या खास दिवशी सगळ्या अभिनेत्री सोशल मीडियावर सेलिब्रेशन फोटो देखील शेअर करतात. यंदा बॉलिवूडमध्ये लग्नसराईचा माहोल होता. अनेक जोडप्यांनी नुकतीच लग्नगाठ बांधली आहे. बॉलिवूडमध्ये अशा अनेक अभिनेत्री आहेत, ज्या यंदा लग्नानंतरचा पहिला करवा चौथ साजरा करणार आहेत.
आलिया भट्ट (Alia bhatt)
बॉलिवूडची चुलबुली अभिनेत्री आलिया भट्ट आणि अभिनेता रणबीर कपूर यांनी या वर्षीच लग्नगाठ बांधली आहे. अभिनेत्री आलिया भट्टने यावर्षी 14 एप्रिल रोजी रणबीर कपूरसोबत लग्न केले. त्यामुळे यंदा त्यांचा पहिला करवा चौथ असणार आहे. त्यांचा हा पहिला करवा चौथ खूप खास असणार आहे, कारण आलिया लवकरच आई होणार आहे.
मौनी रॉय (Mouni Roy)
छोट्या पडद्यावरची प्रसिद्ध अभिनेत्री मौनी रॉय हिने देखील या वर्षी जानेवारीमध्ये तिचा बॉयफ्रेंड-बिझनेसमन सूरज नांबियारसोबत गोव्यात लग्नगाठ बांधली. यावेळी मौनी रॉयचाही पहिला करवा चौथ आहे, जो ती मोठ्या थाटामाटात साजरा करणार आहे. सध्या मौनी बॉलिवूडमध्ये देखील आपल्या अभिनयाचा जलवा दाखवत आहे. नुकतीच ती ‘ब्रह्मास्त्र’ या चित्रपटात झळकली होती.
अंकिता लोखंडे (Ankita Lokhande)
गेल्या वर्षी डिसेंबरमध्ये विकी जैनसोबत लग्नगाठ बांधल्यानंतर अंकिता लोखंडे अनेकदा सोशल मीडियावर पारंपारिक अवतारात झळकली होती. अभिनेत्री अंकिता लोखंडे तिचा प्रत्येक सण मोठ्या थाटामाटात साजरा करताना दिसत आहे. दरम्यान, यंदा अंकिताचा देखील पहिलाच करवा चौथ आहे. अभिनेत्री हा सण देखील मोठ्या थाटात साजरा करणार आहे.
करिश्मा तन्ना (Karishma Tanna)
टीव्ही आणि बॉलिवूड अभिनेत्री करिश्मा तन्ना देखील तिचा पहिला करवा चौथ साजरा करणार आहे. करिश्मा तन्ना हिने नुकतीच लग्नगाठ बांधली आहे. लग्नानंतरचे सगळेच सण ती धुमधडाक्यात साजरे करत आहे. त्यामुळे लग्नानंतरचा हा पहिला करवा चौथ देखील ती जल्लोषात साजर करणार आहे.
कतरिना कैफ (Katrina Kaif)
बॉलिवूडची प्रसिद्ध अभिनेत्री कतरिना कैफ हिचे नाव देखील चर्चेत आहे. 9 डिसेंबर 2021 रोजी कतरिनाने विकी कौशलसोबत लग्नगाठ बांधली. यंदा अभिनेत्री आपले पहिले करवा चौथ व्रत ठेवणार आहे. विकी एका पंजाबी कुटुंबातील आहे, जिथे हा सण मोठ्या थाटामाटात साजरा केला जातो. त्यामुळे यंदा कौशल कुटुंबात आनंदाचा सोहळा साजरा होणार आहे.
हेही वाचा :
महत्त्वाच्या बातम्या
