करण जोहरच्या 'त्या' पार्टीच्या क्लिपचा फोरेन्सिक रिपोर्ट आला, पण..

करण जोहरच्या वादग्रस्त पार्टीच्या क्लिपचा फोरेन्सिक रिपोर्ट आला आहे. एनसीबी या व्हिडीओबद्दल नवी तक्रार दाखल करण्याच्या तयारीत असल्याची माहिती सुत्रांनी दिली आहे.

सुशांतसिंह राजपूतच्या मृत्यूचा तपास वेगवेगळी वळणं घेत आहे. काही दिवसांपूर्वीच दीपिका पदुकोण, श्रद्धा कपूर, सारा अली खान या मोठ्या नावांना चौकशीसाठी बोलावलं गेलं. त्यांच्या चौकशीत सुशांत ड्रग्ज घेत असल्याचा निर्वाळा सारा, श्रद्धाने दिला आहे. पण त्याही पलिकडे आता एक नवा टप्पा या चौकशीत आला आहे. तो आहे करण जोहरच्या घरी झालेल्या पार्टीच्या व्हिडिओचा.

निर्माता, दिग्दर्शक करण जोहरच्या घरी ही पार्टी झाली होती जुलै 2019 मध्ये. त्या पार्टीत बॉलिवूडचे अनेक मोठेमोठे स्टारकास्ट हजर होते. त्या पार्टीच्या या व्हिडिओमध्ये ही मंडळी झुलत असलेली दिसली. त्यानतर हा व्हिडीओ नक्की कुठला आहे, खरा आहे की नाही तो कुठल्या पार्टीतला आहे यावर अनेक प्रश्नचिन्ह निर्माण होतायत. या व्हिडिओची सत्यता पडताळण्यासाठी हा व्हिडीओ फॉरेन्सिककडे पाठवण्यात आला होता. त्याचा अहवाल आता आला आहे. आणि तो अपेक्षितच अहवाल आहे.

फॉरेन्सिकने दिलेल्या अहवालानुसार हा व्हिडीओ खरा आहे. म्हणजे या व्हिडीओसोबत कोणतीही छेडछाड झालेली नाही. त्यात कोणतंही एडिटिंग झालेलं नाही शिवाय, त्यात काही नवे इफेक्टही देण्यात आलेले नाहीत. म्हणजे हा जो व्हिडीओ आहे तो नीट आणि क्लीन असल्याचा निर्वाळा देण्यात आला आहे. आता याचा तपास करायचा की नाही हे लवकरच ठरणार आहे. मुंबईत आलेल्या एनसीबीच्या टीमने आपला या व्हिडीओशी संबंध नसल्याचं सांगितंलं आहे. म्हणजे ती टीम या क्लिपचा तपास करणार नाहीय. पण याचा दुसरा अर्थ आता फॉरेन्सिक रिपोर्ट आल्यानंतर या क्लिपबद्दल नवी तक्रार दाखल होण्याची शक्यता बळावली आहे. म्हणजे एनसीबी या क्लिपच्या चौकशीबाबत नवा सीआयआर दाखल करू शकते.

सध्या दोन प्रकरणांवर काम चालू आहे. पहिली तक्रार आहे 15/20 आणि दुसरी तक्रार आहे 16/20. पहिली आहे रियाची आणि दुसरी आहे ड्रग्जबद्दलची. आता या क्लिपचा तपास करायचा असेल तर कदाचित एनसीबीला तिसरी तक्रार दाखल करावी लागणार आहे. ती करायची की नाही याबद्दल दिल्लीत सोमवारी बैठक होणार असल्याचं कळतं.

Baba Ramdev | Bollywood drug probe| योग करा,नशामुक्त व्हा;बाबा रामदेव यांचा बॉलिवूड कलाकारांना सल्ला