Kantara 2: 'कांतारा-2' प्रदर्शित होणार? ऋषभ शेट्टी म्हणाला...
आता कांताराच्या (Kantara) यशानंतर कांताराचा दुसरा पार्ट देखील रिलीज केला जाईल का? असा प्रश्न ऋषभ शेट्टीला (Rishab Shetty) एका मुलाखतीमध्ये विचारण्यात आला. यावेळी ऋषभ शेट्टीनं या प्रश्नाला उत्तर दिलं आहे.
Kantara: 'कांतारा' (Kantara) या चित्रपटानं बॉक्स ऑफिसवर धुमाकूळ घातला. या चित्रपटानं बॉक्स ऑफिसवर कोट्यवधींची कमाई केली आहे. ऋषभ शेट्टी (Rishab Shetty) यानं या चित्रपटाचं दिग्दर्शन केलं असून त्याने या चित्रपटात प्रमुख भूमिका साकारली आहे. धनुष, अनुष्का शेट्टी, प्रभास ,विवेक अग्निहोत्री,कंगना रनौत या सेलिब्रिटींनी या चित्रपटाचं सोशल मीडियावर पोस्ट शेअर करुन कौतुक केलं. आता कांताराच्या यशानंतर कांताराचा दुसरा पार्ट देखील रिलीज केला जाईल का? असा प्रश्न ऋषभ शेट्टीला एका मुलाखतीमध्ये विचारण्यात आला. यावेळी ऋषभ शेट्टीनं या प्रश्नाला उत्तर दिलं आहे.
काय म्हणाला ऋषभ शेट्टी?
कांताराचा दुसरा भाग प्रदर्शित होणार आहे का? असा प्रश्न जेव्हा ऋषभ शेट्टीला मुलाखतीमध्ये विचारण्यात आला तेव्हा त्यानं उत्तर दिलं. तो म्हणाला, मला याबद्दल आता काहीही सांगता येणार नाही. मी आता दोन महिन्यांचा ब्रेक घेणार आहे. मी ज्या चित्रपटांबद्दल विचार करत होतो, ते विचार आता गायब झाले आहेत. त्यामुळे मी आता नव्यानं विचार करायला सुरुवात करेल'
पुढे तो म्हणाला, 'कांताराला रिलीज होऊन 35 दिवस झाले आहे आणि अजूनही आम्ही या चित्रपटाचं प्रमोशन करत आहोत. त्यामुळे मी सध्या केवळ कांताराबाबत बोलू शकतो. कांतारा2 बद्दल बोलू शकत नाही.'
कांतारा हिंदी रिमेकबाबत ऋषभ शेट्टी म्हणाला, 'मला या चित्रपटाचा हिंदी रिमेक व्हावा असं वाटत नाही.'
एका मुलाखतीमध्ये ऋषभ शेट्टीनं कांताराला मिळालेल्या यशाबद्दल आपले मत मांडले होते. तो म्हणाला की, 'हे सर्व यश मिळवण्यासाठी 18 वर्षे मेहनत केली आहे आणि हे एका रात्रीत घडलेले नाही. मी फक्त बॉक्स ऑफिस कलेक्शनसाठी काम केलेले नाही. मल्याळम, तेलगू आणि इतर देशांतील सर्व भाषांमधील प्रेक्षकांचा मी आभारी आहे.'
'कांतारा'मध्ये अच्युता कुमार, सप्तमी गौडा, प्रमोद शेट्टी आणि किशोर सहाय्यक भूमिकेत दिसले आहेत. 'कांतारा' हा चित्रपट एक अॅक्शन थ्रिलर आहे.
कांतारा हा चित्रपट अवघ्या 16 कोटींमध्ये बनलेला ‘कांतारा’ हा चित्रपट सध्या साऊथच नव्हे तर, हिंदीमध्येही धुमाकूळ घालत आहे. ‘कांतारा’ हा चित्रपट 14 ऑक्टोबर रोजी हिंदीमध्येही प्रदर्शित झाला आहे. रिलीज होताच या चित्रपटाला प्रेक्षक आणि समीक्षकांचा सकारात्मक प्रतिसाद मिळाला. 'कांतारा'मध्ये अच्युता कुमार, सप्तमी गौडा, प्रमोद शेट्टी आणि किशोर सहाय्यक भूमिकेत दिसले आहेत.
वाचा इतर महत्त्वाच्या बातम्या:
Kantara: ऋषभ शेट्टी नाही तर 'हा' अभिनेता साकारणार होता कांतारामधील शिवा ही भूमिका; पण...
Before You Go
Majha Sanman Award 2026: अरुण फिरोदिया यांचा उद्योगक्षेत्रातील अतुलनीय कामगिरीबद्दल ‘माझा सन्मान’ पुरस्काराने गौरव
महत्त्वाच्या बातम्या
