एक्स्प्लोर

Jhimma 2 Teaser: इंदू डार्लिंगच्या 75 व्या वाढदिवसाला कोण कोण येणार? 'झिम्मा-2' चा टीझर रिलीज

Jhimma 2 Teaser: काही दिवसांपूर्वी झिम्मा-2 या चित्रपटाची रिलीज डेट जाहीर करण्यात आली होती. आता या चित्रपटाचा टीझर प्रेक्षकांच्या भेटीस आला आहे.

Written By : एबीपी माझा एंटरटेनमेंट डेस्क | Edited By: प्रियांका कुलकर्णी | Updated at : 23 Oct 2023 05:13 PM (IST)

Jhimma 2 Teaser

Jhimma 2 Teaser: 'झिम्मा' (Jhimma) या मराठी चित्रपटानं बॉक्स ऑफिसवर धुमाकूळ घातला. या चित्रपटामधील गाण्यांना आणि चित्रपटाच्या कथानकाला प्रेक्षकांची विशेष पसंती मिळाली. आता झिम्मा चित्रपटाच्या यशानंतर झिम्मा-2 (Jhimma 2) हा चित्रपट प्रेक्षकांच्या भेटीस येणार आहे. काही दिवसांपूर्वी झिम्मा-2 या चित्रपटाची रिलीज डेट जाहीर करण्यात आली होती. आता या चित्रपटाचा टीझर प्रेक्षकांच्या भेटीस आला आहे.

'झिम्मा-2' चित्रपटाच्या टीझरच्या सुरुवातीला दिसते, सिद्धार्थ म्हणतो, "देवा, लक्षात ठेव हा!" त्यानंतर तो मोबाईलमध्ये मेसेज टाईप करायला सुरुवात करतो. 'बायांनो पुढच्या ट्रीपची तयारी करायला घ्या कारण आहे, इंदू डार्लिंगचा 75 वा वाढदिवस, जो तिला आपल्यासोबत सेलिब्रेट करायचा आहे आणि तिच्याकडे एक सरप्राइज आहे. चला!', असा मेसेज सिद्धार्थ टाईप करतो. त्यानंतर तो हा मेसेज सेंड करतो. मग सिद्धार्थच्या फोनवर मेसेजचे नोटिफिकेशन्स येतात. टीझरच्या शेवटी एक फोटो फ्रेम दिसत आहे.

'झिम्मा-2' चित्रपटाचा टीझर शेअर करुन सिद्धार्थ चांदेकरनं कॅप्शनमध्ये लिहिलं, "आता खेळ सुरू… इंदू डार्लिंग च्या 75 व्या वाढदिवसासाठी कोण कोण येणार? लवकरच कळणार…'झिम्मा-2' 24 नोव्हेंबर पासून तुमच्या जवळच्या चित्रपटगृहात"

पाहा टीझर

View this post on Instagram

A post shared by Siddharth Seema Chandekar (@sidchandekar)

'झिम्मा-2' हा चित्रपट 24 नोव्हेंबर रोजी रिलीज होणार आहे. झिम्मा या चित्रपटात सुहास जोशी, सिद्धार्थ चांदेकर, सोनाली कुलकर्णी, निर्मिती सावंत, क्षिती जोग, सुचित्रा बांदेकर, सयाली संजीव, मृण्मयी गोडबोले या कलाकारांनी प्रमुख भूमिका साकारली होती. आता 'झिम्मा-2' या चित्रपटात कोणकोणते कलाकार काम करणार आहेत? हे जाणून घेण्यास प्रेक्षक उत्सुक आहेत. 'झिम्मा' या चित्रपटाचे दिग्दर्शन हेमंत ढोमेने (Hemant Dhome) केले होते.

काही दिवसांपूर्वी एक खास पोस्ट शेअर करुन हेमंत ढोमेनं 'झिम्मा-2' या चित्रपटाच्या रिलीज डेटची घोषणा केली होती. त्यानं पोस्टमध्ये लिहिलं होतं, ' प्रवासात आपण असे मित्र बनवतो जे कदाचित रोज भेटणार नाहीत.पण मागच्या खेपेला जिथं थांबलं होतं तिथनं पुन्हा सुरू होतात. पण त्यासाठी REUNION महत्त्वाची! आणि आपली REUNION होणार 24 नोव्हेंबर पासून! भेटूया चित्रपटगृहात… (मागच्या खेपेसारखं)'