Jhimma 2 : "त्या परत येतायत"; 'झिम्मा 2'ची रिलीज डेट जाहीर! 'या' दिवशी होणार रिलीज

Jhimma 2 : 'झिम्मा 2' या सिनेमाची रिलीज डेट जाहीर झाली आहे.

Jhimma 2

Jhimma 2 Release Date : 'झिम्मा'च्या यशानंतर आता 'झिम्मा 2' (Jhimma 2) हा सिनेमा प्रेक्षकांच्या भेटीसाठी सज्ज आहे. 'झिम्मा' हा सिनेमा कोरोनानंतर प्रदर्शित झाला होता. कोरोनानंतर प्रदर्शित झालेल्या या मराठी सिनेमाने प्रेक्षकांची विशेष: महिलावर्गाची पाऊले सिनेमागृहाकडे वळवली. बॉक्स ऑफिसवर दणदणीत कमाई करत मराठी सिनेसृष्टीला सुगीचे दिवस दाखवले. आता या सिनेमाचा दुसरा भाग प्रेक्षकांच्या भेटीसाठी सज्ज आहे. या सिनेमाची रिलीज डेटही जाहीर करण्यात आली आहे.

'झिम्मा'चा दिग्दर्शक हेमंत ढोमेने (Hemant Dhome) खास पोस्ट शेअर करत सीक्वेलची माहिती दिली आहे. त्याने लिहिलं आहे,"प्रवासात आपण असे मित्र बनवतो जे कदाचित रोज भेटणार नाहीत... पण मागच्या खेपेला जिथं थांबलं होतं तिथनं पुन्हा सुरू होतात. पण त्यासाठी रियुनियन महत्त्वाची आणि आपली रियुनियन होणार 24 नोव्हेंबरपासून भेटूया चित्रपटगृहात (मागच्या खेपेसारखं)". 

'या' दिवशी प्रेक्षकांच्या भेटीला येणार 'झिम्मा 2' (Jhimma 2 Release Date)

'झिम्मा 2' या सिनेमाची घोषणा झाल्यापासून प्रेक्षक या सिनेमाची प्रतीक्षा करत आहेत. अखेर हा बहुचर्चित सिनेमा 24 नोव्हेंबर 2023 रोजी सिनेमागृहात प्रदर्शित होणार आहे. हेमंतने शेअर केलेल्या पोस्टवर अनेक सेलिब्रिटींसह चाहत्यांनी कमेंट्सचा वर्षाव केला आहे. 'झिम्मा 2' पाहण्यासाठी आम्ही उत्सुक आहोत, आतुरतेने सिनेमाची प्रतीक्षा करत आहोत, आता ट्रेलर आणि गाण्यांची प्रतीक्षा, अशा कमेंट्स चाहत्यांनी केल्या आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Hemant Dhome | हेमंत ढोमे (@hemantdhome21)

तगडी स्टारकास्ट असलेला सिनेमा

'झिम्मा' सिनेमात निर्मिती सावंत, सुहास जोशी, सुचित्रा बांदेकर, क्षिती जोग, छोटी सोनाली कुलकर्णी, सायली संजीव, मृण्मयी गोडबोले या अभिनेत्रींच्या प्रमुख भूमिकेत होते. या सर्व अभिनेत्रींसोबत सिनेमाची शान वाढवायला चॉकलेट बॉय सिद्धार्थ चांदेकरदेखील  आता 'झिम्मा 2'मध्ये या कलाकारांसह आणखी कोणते नवे चेहरे झळकणार हे जाणून घेण्यासाठी प्रेक्षक उत्सुक आहेत. 

माझ्या सगळ्या मैत्रिणींच्या प्रेमाखातरच 'झिम्मा 2'चा निर्णय घेतला : हेमंत ढोमे 

'झिम्मा 2' बद्दल हेमंत ढोमे म्हणाला,"झिम्मा' सिनेमावर प्रेक्षकांनी भरभरुन प्रेम केलं आहे. यातील प्रत्येकीमध्ये गृहिणींनी, तरुणींनी स्वतःला शोधण्याचा प्रयत्न केला. कधी दोन दिवसही एकट्या घराबाहेर न राहिलेल्या महिलांनी त्यांच्या मैत्रिणींसोबत आठवडाभर बाहेर जाण्याचे प्लॅन्स केले. हा सिनेमा प्रत्येक महिलेला खूप जवळचा वाटला. अनेक महिलांनी 'झिम्मा 2' ची मागणी केली होती. त्या माझ्या सगळ्या मैत्रिणींच्या प्रेमाखातरच मी 'झिम्मा 2'चा निर्णय घेतला आहे. आता लवकरच ‘झिम्मा 2’ही सीमोल्लंघन करण्यासाठी येणार आहे. या वेळी मजा डबल झाली असून हा सिनेमाही प्रेक्षकांच्या पसंतीस उतरेल". 

संबंधित बातम्या