Janhvi Kapoor : बॉलिवूड अभिनेत्री जान्हवी कपूरकडे (Janhvi Kapoor) सध्या चित्रपटांची रांग लागली आहे. नुकताच तिचा ‘गुडलक जेरी’ (Good Luck Jerry) हा चित्रपट प्रेक्षकांच्या भेटीला आला आहे. ‘गुडलक जेरी’ रिलीज होतो तोच जान्हवीने तिच्या पुढच्या चित्रपटाची तयारी सुरु केली आहे. नुकताच तिने एक फोटो शेअर करत आपल्या चाहत्यांना याची माहिती दिली. अभिनेत्री जान्हवी कपूर सध्या तिच्या आगामी 'मिस्टर अँड मिसेस माही' (Mr And Mrs Mahi) चित्रपटाच्या तयारीत व्यस्त झाली आहे. या चित्रपटात ती महिला क्रिकेटरच्या भूमिकेत दिसणार आहे. नुकतीच जान्हवीने सोशल मीडियावर एक पोस्ट शेअर केली आहे.
अभिनेत्री जान्हवी कपूर सध्या तिच्या नुकत्याच प्रदर्शित झालेल्या 'गुड लक जेरी' या चित्रपटामुळे चर्चेत आहे. जान्हवीने या चित्रपटात उत्कृष्ट अभिनय केला आहे. या चित्रपटाच्या चर्चेदरम्यान जान्हवी आता तिच्या पुढील चित्रपटाच्या तयारीला लागली आहे. या चित्रपटाच्या तयारीत जान्हवी कोणतीही कसर सोडू इच्छित नाहीय. 'मिस्टर अँड मिसेस माही' या चित्रपटासाठी ती प्रचंड मेहनत घेत आहे.
पाहा पोस्ट :
जान्हवीने इंस्टाग्रामवर फोटो शेअर करत तिच्या ट्रेनिंग सेशनची झलक दाखवली. या फोटोमध्ये ती गुलाबी टी-शर्ट आणि हिरव्या रंगाच्या शॉर्ट्समध्ये दिसत आहे. तिने नी-गार्ड्स देखील परिधान केलेले दिसतात, जे क्रिकेट खेळताना वापरले जातात. सोबतच या फोटोत हेडगिअर आणि क्रिकेटची बॅटही दिसत आहे.
'मिस्टर अँड मिसेस माही' चित्रपटात जान्हवीसोबत अभिनेता राजकुमार राव मुख्य भूमिकेत दिसणार आहे. शरण शर्मा दिग्दर्शित या चित्रपटाची निर्मिती करण जोहरच्या धर्मा प्रॉडक्शनच्या बॅनरखाली होत आहे. या चित्रपटात जान्हवी कपूर महिला क्रिकेटरच्या भूमिकेत दिसणार आहे. जान्हवीने शेयर केलेल्या फोटोत या चित्रपटासाठीच्या तिच्या ट्रेनिंग सेशनची झलक पाहायला मिळत आहे.
चाहतेही उत्सुक
जान्हवीची ही पोस्ट पाहून चाहत्यांची उत्सुकता वाढली आहे. अभिनेत्रीच्या पुढच्या चित्रपटाची चाहते आतुरतेने वाट पाहत आहे. जान्हवीचे चाहते तिच्या या पोस्टवर हार्ट इमोजी कमेंट करत आहेत, तर काही चाहते तिचे अभिनंदन करत आहेत. या चित्रपटात महिला क्रिकेटर साकारण्यासाठी जान्हवी कपूर कठोर प्रशिक्षण घेत आहे, जेणेकरून ती तिच्या पात्राला न्याय देऊ शकेल. या चित्रपटाशिवाय जान्हवी वरुण धवनसोबत 'बवाल' चित्रपटात दिसणार आहे.
हेही वाचा: