Hera Pheri 3 Big Update : बॉलिवूडमधील काही कल्ट कॉमेडी चित्रपटांपैकी एक म्हणजे हेरा फेरी चित्रपट. या चित्रपटाने प्रेक्षकांना खळखळून हसवलं. हेरा फेरी फ्रेंचायझीचे दोन्ही चित्रपट बॉक्स ऑफिसवर तुफान गाजले. यांना प्रेक्षकांचा भरभरुन दादही मिळाली. आता प्रेक्षक या चित्रपटाच्या तिसऱ्या भागाची आतुरतेने वाट पाहत आहे. हेरी फेरी 3 चित्रपटाचा मार्ग राईट्समुळे अडकल्याचं सांगितलं जात होतं. मात्र, आता या चित्रपटाचा मार्ग मोकळा झाला आहे. आयकॉनिक हेरी फेरी चित्रपटाचे निमार्ते फिरोज नाडियाडवाला यांनी चित्रपटाचे राईट्स विकत घेतलं आहेत.
हेरी फेरी 3 चित्रपटाबद्दल मोठी अपडेट
हेरा फेरी चित्रपटाच्या चाहत्यांसाठी मोठी महत्त्वाची बातमी आहे. आयकॉनिक हेरी फेरी चित्रपटाच्या तिसऱ्या भागाचा मार्ग आता मोकळा झाला आहे. निर्माते फिरोज नाडियाडवाला आणि इरोस यांच्यातील वाद मिटला आहे. प्रोड्युसर फिरोज नाडियाडवाला यांनी हेरा फेरी चित्रपटाचे राईट्स घेतले आहेत.
निर्माते फिरोज नाडियाडवाला आणि इरोस यांच्यातील वाद मिटला
फिरोज नाडियाडवाला यांनी 'हेरा फेरी' चित्रपटासह 'आवारा पागल दीवाना', 'वेलकम' आणि 'आन' या ऐतिहासिक चित्रपटांचे राईट्स मिळवले आहेत. फिरोज नाडियाडवाला यांनी इरोस इंटरटेंनमेंटसोबतची आर्थिक करार आणि राईट्स मिळवले आहेत. यासह फिरोज यांनी या चित्रपटांचे हक्क विकत घेतले आहेत.
हेरी फेरी 3 चित्रपटाबद्दल लवकरच घोषणा होण्याची शक्यता
फिरोज नाडियाडवाला यांच्या बहुतेक चित्रपट बॉलिवूडमधील कल्ट असून प्रेक्षक या चित्रपटांच्या सिक्वेलची वाट पाहत आहेत. प्रेक्षकांची ही मागणी लक्षात घेऊन फिरोज नाडियादवाला यांनी अलीकडेच अक्षय कुमारच्या 2007 मध्ये रिलीज झालेल्या कल्ट कॉमेडी चित्रपट 'वेलकम'चा सीक्वेलची घोषणा केली. वेलकम चित्रपटाचा दुसरा भाग असलेल्या 'वेलकम टू द जंगल' चित्रपटात अक्षय कुमार, अर्शद वारसी यासह अनेक मोठे चेहरे दिसणार आहेत. आता प्रेक्षक हेरा फेरी 3 च्या घोषणेची वाट पाहत आहेत.
महत्त्वाच्या इतर बातम्या :