Harsh Wardhan Reply To Trolls: डेव्हिड बॅकहमसोबतचा फोटो शेअर केल्यानंतर अनिल कपूर यांच्या लेकाला नेटकऱ्यानं केलं ट्रोल; हर्षवर्धन सडेतोड उत्तर देत म्हणाला, "भावा तो..."
Harsh Wardhan Reply To Trolls: डेव्हिड बॅकहमसोबतचा फोटो हर्षवर्धननं सोशल मीडियावर शेअर केला. हा फोटो शेअर केल्यानंतर एका नेटकऱ्यानं हर्षवर्धनला ट्रोल केलं.
Harsh Wardhan Reply To Trolls: वानखेडे स्टेडियमवर (Wankhede Stadium) भारत आणि न्यूझीलंड यांच्यात झालेल्या वर्ल्ड कप 2023 (World Cup 2023) च्या सेमीफायनल मॅचमध्ये फुटबॉलर डेव्हिड बॅकहमनं (David Beckham) हजेरी लावली होती. या मॅचनंतर सोनम कपूर (Sonam Kapoor) आणि तिचा पती आनंद आहुजा यांनी आयोजित केलेल्या दिवाळी पार्टीमध्ये डेव्हिड बॅकहमनं हजेरी लावली. या पार्टीमध्ये अनेक सेलिब्रिटींनी देखील हजेरी लावली होती. सोनम कपूरचा भाऊ आणि अनिल कपूरचा मुलगा अभिनेता हर्षवर्धन कपूर (Harsh Wardhan) देखील या दिवळी पार्टीमध्ये उपस्थित होता. या पार्टीमधील डेव्हिड बॅकहमसोबतचा फोटो हर्षवर्धननं सोशल मीडियावर शेअर केला. हा फोटो शेअर केल्यानंतर एका नेटकऱ्यानं हर्षवर्धनला ट्रोल केलं. या ट्रोलरला आता हर्षवर्धननं सडेतोड उत्तर दिलं आहे.
नेटकऱ्यानं केलं ट्रोल
हर्षवर्धन कपूरनं शेअर केलेल्या डेव्हिड बॅकहमसोबतच्या फोटोला एका नेटकऱ्यानं कमेंट केली, 'तू कोण आहेस? असं त्याने विचारलं नाही का?' नेटकऱ्याच्या या कमेंटनं अनेकांचे लक्ष वेधले. त्यानंतर हर्षवर्धन कपूरनं नेटकऱ्याच्या कमेंटला सडेतोड उत्तर दिलं.
हर्षवर्धननं दिलं सडेतोड उत्तर
"भावा, तो माझ्या घरी आला होता. पण तू कोण आहेस?" असा रिप्लाय हर्षवर्धन कपूरनं नेटकऱ्याच्या कमेंटला दिला.
Bhai Woh mere ghar pe aaya.. Tu kaun hai ? 😂😭😭😭 https://t.co/rNLCIe6qVv
— Harsh Varrdhan Kapoor (@HarshKapoor_) November 16, 2023
'या' कलाकारांनी दिवाळी पार्टीमध्ये लावली हजेरी
डेव्हिड बॅकहमसोबतच शाहिद कपूर, फरहान अख्तर, करिश्मा कपूर यांसारख्या सेलिब्रिटींनी देखील सोनम कपूरच्या दिवाळी पार्टीमध्ये हजेरी लावली होती. या दिवाळी पार्टीचे फोटो सोशल मीडियावर व्हायरल झाले आहेत.
View this post on Instagram
हर्षवर्धनचे आगामी चित्रपट
थार,मिर्झा, भावेश जोशी सुपहिरो, रे या चित्रपटांमध्ये हर्षवर्धननं काम केलं आहे. हर्षवर्धन हा लवकरच ऑलिम्पिक सुवर्णपदक विजेता अभिनव बिंद्राच्या बायोपिकमध्ये दिसणार आहे. या चित्रपटात तो मुख्य भूमिकेत दिसणार आहे. हर्षवर्धनच्या चित्रपटाची प्रेक्षक उत्सुकतेने वाट बघत आहेत.
संबंधित बातम्या:
महत्त्वाच्या बातम्या
ट्रेंडिंग न्यूज
