World Cup 2023: 'प्लिज वर्ल्ड कपची मॅच बघायला जाऊ नका'; नेटकऱ्यांनी अमिताभ बच्चन यांना का केली विनंती? 'हे' आहे कारण
World Cup 2023: अमिताभ बच्चन (Amitabh Bachchan) यांनी नुकतेच एक ट्वीट शेअर केलं आहे.त्यांच्या या ट्वीटनं अनेकांचे लक्ष वेधले आहे.
World Cup 2023: 15 नोव्हेंबर रोजी मुंबईच्या वानखेडे स्टेडियमवर झालेल्या भारत विरुद्ध न्यूझीलंड (World Cup 2023) या सामन्यात भारताने 70 धावांनी विजय मिळवला होता. हा सामना पाहण्यासाठी विविध क्षेत्रातील दिग्गज वानखेडे स्टेडियममध्ये पोहोचले होते. रणबीर कपूर, विकी कौशलसह इंडस्ट्रीतील अनेक स्टार्स स्टेडियममध्ये मॅच बघायला पोहोचले होते. बॉलिवूडचे महानायक अमिताभ बच्चन (Amitabh Bachchan) यांनी सोशल मीडियाच्या माध्यमातून टीम इंडियाला शुभेच्छा दिल्या होत्या. आता अमिताभ बच्चन यांनी नुकतेच एक ट्वीट शेअर केलं आहे. त्यांच्या या ट्वीटनं सोशल मीडियावर खळबळ उडाली आहे.
बिग बींचे ट्वीट
अमिताभ बच्चन यांनी नुकतेच एक ट्वीट शेअर केलं आहे. या ट्वीटमध्ये त्यांनी लिहिलं, "आता जावं की नाही याचा विचार करतोय" बिग बींच्या या ट्वीटनंतर सोशल मीडियावर खळबळ उडाली. अनेक नेटकरी हे आता 'प्लिज वर्ल्ड कपची मॅच बघायला जाऊ नका' अशी विनंती अमिताभ बच्चन यांना करत आहेत.
T 4832 - अब सोच रहा हूँ, जाऊँ की ना जाऊँ !
— Amitabh Bachchan (@SrBachchan) November 16, 2023
नेटकरी का करत आहेत विनंती?
अमिताभ बच्चन यांनी ट्वीट शेअर केल्यानंतर अनेक नेटकऱ्यांनी बिग बींना वर्ल्ड कप बघायला न जाण्याची विनंती केली आहे. कारण याआधी अमिताभ बच्चन यांनी ट्वीट शेअर करुन सांगितलं होतं की, मी मॅच बघितली नाही की आपण जिंकतो. त्यामुळे आता अमिताभ बच्चन यांच्या "आता जावं की नाही याचा विचार करतोय" या ट्वीटनंतर नेटकरी बिग बींना मॅच बघायला न जाण्याची विनंती करत आहेत.
T 4831 - when i don't watch we WIN !
— Amitabh Bachchan (@SrBachchan) November 15, 2023
विश्वचषक 2023 च्या अंतिम सामन्यात भारतीय संघाचा सामना ऑस्ट्रेलियाशी होणार आहे. हा सामना 19 नोव्हेंबर रोजी अहमदाबाद येथे होणार आहे. ज्याची क्रिकेटप्रेमी आतुरतेने वाट पाहत आहेत. आता भारत आणि ऑस्ट्रेलियामध्ये होणाऱ्या या सामन्यात कोण विजयी ठरणार? याकडे संपूर्ण जगाचं लक्ष लागलं आहे.
अमिताभ बच्चन यांचे आगामी चित्रपट
कल्कि 2898 AD ,गणपत,सेक्शन 84 आणि तेरा यार हूँ मैं या अमिताभ बच्चन यांच्या आगामी चित्रपटांची प्रेक्षक उत्सुकतेने वाट बघत आहेत.
संबंधित बातम्या:
महत्त्वाच्या बातम्या
ट्रेंडिंग न्यूज
