एक्स्प्लोर

TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या

Entertainment News : दिवसभरातील पाच महत्त्वाच्या मनोरंजनविषयक बातम्यांचा घेतलेला आढावा.

By : एबीपी माझा वेब टीम | Edited By: मंजिरी पोखरकर | Updated at : 03 Apr 2022 10:09 PM (IST)

TOP_5_Entertainment_News

TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -

कॉमेडी क्वीन भारती सिंहने दिली गोड बातमी

कॉमेडी क्वीन भारती सिंहने चाहत्यांना गोड बातमी दिली आहे. भारतीच्या घरी छोट्या पाहुण्याचे आगमन झाले आहे. भारतीने सोशल मीडियाच्या माध्यमातून मुलगा झाल्याची माहिती चाहत्यांना दिली आहे.

मलायका अरोराला रुग्णालयातून डिस्चार्ज

बॉलिवूड अभिनेत्री मलायका अरोराला रुग्णालयातून डिस्चार्ज मिळाला आहे. मलायका अरोराच्या गाडीचा मुंबई पुणे एक्स्प्रेस मार्गावर शनिवारी खोपोलीनजीक बोरघाटात अपघात झाला. त्यामुळे तिच्यावर नवी मुंबईतील अपोलो रुग्णालयात उपचार सुरू होते.

यामी गौतमचे इंस्टाग्राम अकाऊंट हॅक

बॉलिवूड अभिनेत्री यामी गौतम पुन्हा एकदा चर्चेत आली आहे. यामी गौतमचे इंस्टाग्राम अकाऊंट हॅक झाल्याची शक्यता वर्तवली जात आहे. यामीने ट्वीट करत यासंदर्भात माहिती दिली आहे. यामी शनिवारपासून इंस्टाग्राम अॅक्सेस करू शकलेली नाही.

मनसे गुढीपाडवा मेळाव्यानंतर प्राजक्ता माळीची खास पोस्ट

मनसेच्या गुढीपाडवा मेळाव्यातील व्हिडीओ शेअर करून प्राजक्तानं कॅप्शनमध्ये लिहिले, 'नाही नाही..कोणत्याही राजकीय पक्षात प्रवेश केला नाही. काल आयूष्यात पहिल्यांदा राजकीय सभा अनुभवली (खूप दिवसांपासून अनुभवायचीच होती..) ते फक्त तुमच्याबरोबर share करतेय…,इतकाच हेतू. कलाकार नंतर आधी मी माणूस- सामाजिक प्राणी आहे; त्याच्या समृद्धी करता पण झटायला हवं. जसं फिल्मफेअर जाणं गरजेचं तसच हेही.., म्हणून हा घाट.

'माझ्या नवऱ्याची बायको' आता येणार हिंदीत

'माझ्या नवऱ्याची बायको' ही मालिका प्रेक्षकांच्या पसंतीस उतरली असून आता या मालिकेचं हिंदी व्हर्जन सुरू होणार आहे. त्यामुळे हिंदी भाषिक प्रेक्षकांना आता ही मालिका पाहायला मिळणार आहे. 'माझ्या नवऱ्याची बायको' ही मालिका 'मेरे साजन की सहेली' या नावाने झी च्या हिंदी वाहिनीवर सुरू होणार आहे.

संबंधित बातम्या