Akshay Kumar : 'बल्ब कुठून आला, नीट चाल'; 'वेडात मराठे वीर दौडले सात' सिनेमातील अक्षयचा लूक पाहून भडकले नेटकरी

Akshay Kumar : अक्षय कुमारच्या 'वेडात मराठे वीर दौडले सात' या सिनेमावर मोठ्या प्रमाणात टीका केली जात आहे.

Akshay Kumar

Akshay Kumar Troll : बॉलिवूड अभिनेता अक्षय कुमार (Akshay Kumar) सध्या 'वेडात मराठे वीर दौडले सात' (Vedat Marathe Veer Daudle) या सिनेमामुळे चर्चेत आहे. या सिनेमात खिलाडी कुमार छत्रपती शिवाजी महाराजांच्या भूमिकेत दिसणार आहे. अक्षयने शिवाजी महाराजांच्या लूकमधील व्हिडीओ शेअर केल्यापासून या व्हिडीओवर नेटकऱ्यांकडून टीका केली जात आहे. 

अक्षयने व्हिडीओ शेअर केल्यानंतर त्याला अनेकजण ट्रोल करत आहेत. या व्हिडीओमध्ये अक्षयच्या मागे एक बल्बचं झुंबर दिसत आहे. त्याकाळी बल्ब कुठून आला, थॉमस एडिसनने 1879-80 दरम्यान बल्बचा शोध लावला होता. छत्रपती शिवाजी महाराजांनी 1674 ते 1680 या काळात साम्राज्य केलं. मग तरी हे कसं काय?, अशा कमेंट्स नेटकऱ्यांनी केल्या आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Akshay Kumar (@akshaykumar)

व्हिडीओमध्ये अक्षय चालताना दिसत आहे. यावरदेखील नेटकऱ्यांनी अक्षयला ट्रोल केलं आहे. त्यांनी म्हटलं आहे,"जरा नीट चाल, चेहऱ्यावर तेजस्वी भाव असू दे, दबकत चालू नकोस, असं चालून छत्रपतींचा अपमान करू नकोस, अशा कमेंट्स नेटकऱ्यांनी केल्या आहेत". शरद केळकर, अमोल कोल्हेसारखे तगडे पर्याय उपलब्ध असताना अक्षय कुमार का? असा प्रश्न नेटकऱ्यांकडून उपस्थित केला जात आहे. 

'जय भवानी, जय शिवाजी' असं कॅप्शन देत अक्षयने शेअर केलेला व्हिडीओ सोशल मीडियावर चांगलाच व्हायरल होत आहे. छत्रपती शिवाजी महाराजांच्या व्यक्तिरेखेतील अक्षय कुमारचा लूक नेटकऱ्यांच्या फारसा पसंतीस पडलेला नाही. अक्षयच्या लूक समोर आल्यानंतर सोशल मीडियावर मीम्सचा पाऊस पडत आहे. अक्षयचा लूक पाहून नेटकरी त्याच्यावर चांगलेच भडकले आहेत. 

संबंधित बातम्या