![ABP Premium](https://cdn.abplive.com/imagebank/Premium-ad-Icon.png)
महेश मांजरेकर यांना 35 कोटींच्या खंडणीची धमकी, एकाला अटक
प्रसिद्ध दिग्दर्शक, अभिनेते महेश मांजरेकर यांना 35 कोटीच्या खंडणीची धमकी देण्यात आली आहे. अबू सालेमच्या टोळीतील एकाने ही धमकी दिल्याचं कळतं.
![महेश मांजरेकर यांना 35 कोटींच्या खंडणीची धमकी, एकाला अटक Director, actor Mahesh Manjrekar gets 35 crore extortion threat महेश मांजरेकर यांना 35 कोटींच्या खंडणीची धमकी, एकाला अटक](https://static.abplive.com/wp-content/uploads/sites/4/2020/08/27173416/Mahesh-Manjrekar.jpg?impolicy=abp_cdn&imwidth=1200&height=675)
मुंबई : प्रख्यात अभिनेते, दिग्दर्शक महेश मांजरेकर यांना 35 कोटीच्या खंडणीची धमकी देण्यात आली आहे. मिळालेल्या माहितीनुसार अबू सालेमच्या टोळीतील एकाकडून ही धमकी आल्याचं कळतं. खबरदारीचा उपाय म्हणून मांजरेकर यांनी दादर पोलीस स्टेशनमध्ये तक्रार दाखल केली आहे.
महेश मांजरेकर हे नाव हिंदी-मराठी इंडस्ट्रीला नवं नाही. अस्तित्व, वास्तव, दबंग, वॉंटेड, काकस्पर्श आदी अनेक सिनेमांतून त्यांनी आपल्या दिग्दर्शनाचा, अभिनयाचा ठसा उमटवलेला आहे. मांजरेकर यांना बुधवारी (26 ऑगस्ट) खंडणीच्या धमकीचा फोन आला. यात खंडणी मागणाऱ्याने 35 कोटीच्या खंडणीची मागणी केली होती. मांजरेकर यांनी तातडीने दादर पोलीस ठाण्यात तक्रार दाखल केल्यानंतर पोलिसांनीही तातडीने पावलं उचलत खंडणीखोराला लगेच अटक केली आहे.
हा खंडणीखोर खेडमधल्या असल्याचं कळतं. त्याचा अबू सालेमशी खरंच संबंध आहे का, त्याने कोणत्या उद्देशाने मांजरेकर यांना धमकी दिली होती, या सर्व बाबी पोलीस लवकरच शोधून काढतील.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)