Dhokha: Round D Corner :  अभिनेता  आर माधवनच्या (R Madhavan) 'रॉकेट्री: नांबी इफेक्ट' (Rocketry: The Nambi Effect) या चित्रपटाला प्रेक्षकांची पसंती मिळाली. आता त्याचा 'धोका: राऊंड डी कॉर्नर' (Dhokha: Round D Corner) हा आगामी चित्रपट प्रेक्षकांच्या भेटीस येत आहे. या चित्रपटाचा टीझर नुकताच रिलीज झाला आहे. या चित्रपटामध्ये आर. माधवनबरोबरच अभिनेत्री खुशाली कुमार (Khushalii Kumar) अपारशक्ती खुराणा (Aparshakti Khurana) आणि दर्शन कुमार (Darshan Kumaar) हे कलाकार प्रमुख भूमिका साकारणार आहेत. चित्रपटाच्या टीझरमला सध्या नेटकऱ्यांची पसंती मिळत आहे.  


टीझरमधील डायलॉग्सनं वेधलं लक्ष


'धोका: राऊंड डी कॉर्नर' या चित्रपटामधून  खुशाली कुमार ही बॉलिवूडमध्ये पदार्पण करत आहे. 'मेरा पती, दिन में कई बार जान लेता है मेरी' हा खुशाली कुमारच्या टीझरमधील डायलॉगनं अनेकांचे लक्ष वेधले.  तर अभिनेता दर्शन कुमार हा टीझरमध्ये एका दहशतवाद्याची माहिती देताना दिसत आहे. चित्रपटाच्या टीझरच्या शेवटी 'एक और कहानी है सुनोगे?' असा डायलॉग ऐकू येतो. चित्रपटाच्या या जबरदस्त टीझरला नेटकऱ्यांची पसंती मिळत आहे. 


पाहा टीझर: 



भूषण कुमार, कृष्ण कुमार, धर्मेंद्र शर्मा, विक्रांत शर्मा आणि टी-सीरिजनं या चित्रपटाची निर्मिती केली आहे. कुकी गुलाटी यांनी या चित्रपटाचं दिग्दर्शन केलं आहे. हा चित्रपट 23 सप्टेंबर 2022 रोजी प्रेक्षकांच्या भेटीस येणार आहे. सस्पेन्स, ड्रामा आणि थ्रिल कथानक असणाऱ्या या चित्रपटाची प्रेक्षक उत्सुकतेने वाट बघत आहेत. 


हेही वाचा: