Boyz 3 : 'मस्त मौला' दोस्तांचा प्रवास; . 'बॉईज 3' मधील नवं गाणं प्रेक्षकांच्या भेटीस
'मस्त मौला' हे गाणं रवींद्र खोमणे व मुन्नावर अली यांनी गायले आहे. या जर्नी साँगला अवधूत गुप्ते यांनी संगीत दिले आहे.
Boyz 3 : 'बॉईज 3' च्या (Boyz 3) चित्रपटासोबतच त्यातील गाणी ही तितकीच लोकप्रिय ठरत आहेत. सोनू निगमच्या जादुई आवाजातल्या 'मनात शिरली' या गाण्यानंतर 'मस्त मौला' हे गाणं प्रेक्षकांच्या भेटीला आलं आहे. सुमंत शिंदे (Sumant Shinde), पार्थ भालेराव (Parth Bhalerao), प्रतीक लाड (Pratik Lad) यांच्या त्रिकूटासोबतच्या या प्रवासात विदुला त्यांची साथ देते आहे. 'बॉईज 3' मधील हे गाणं नक्कीच तुमच्या प्लेलिस्ट मध्ये समाविष्ट करण्यासाठी सर्वोत्तम जर्नी साँग आहे. रोड ट्रिप वर निघालेले बॉईज आणि त्यांच्या या प्रवासात त्यांची साथ देणारी विदुला ह्यांच्या एकत्र प्रवासातील मज्जा, कर्नाटकातील निसर्गरम्य वातावरण या गाण्यात दिसत आहे.
'मस्त मौला' हे गाणं रवींद्र खोमणे व मुन्नावर अली यांनी गायले आहे. या जर्नी साँगला अवधूत गुप्ते यांनी संगीत दिले आहे. गाण्याचे बोल समीर सावंत यांनी लिहिले आहेत. 'बॉईज ३' चित्रपटासोबतच त्यातील गाणी ही तितकीच लोकप्रिय ठरत आहेत.
पाहा गाणं:
सुप्रीम मोशन पिक्चर्स प्रा. लि प्रोडक्शन अंतर्गत एव्हरेस्ट एंटरटेनमेंटसह अवधूत गुप्ते प्रस्तुत 'बॉईज ३' चित्रपटाचे दिग्दर्शन विशाल सखाराम देवरुखकर यांनी केले असून लालासाहेब शिंदे, राजेंद्र शिंदे, संजय छाब्रिया यांनी निर्मितीची धुरा सांभाळली आहे. येत्या 16 सप्टेंबर रोजी ‘बॅाईज 3’ चित्रपटगृहात प्रदर्शित होत आहे.
बॉईज चित्रपटातील ‘लग्नाळू’ या गाण्यांनी आधीच मराठी पडद्यावर आपली एक छाप उमटवली होती. तरुणांमध्ये तर या गाण्याचे एक वेगळेच वेड आहे. इतक्या वर्षांनंतरही हे गाणे प्रत्येक रंगमंच हादरवून टाकू शकतो. आता बॉईज-3 मधील लग्नाळू 2.0 व्हर्जन हे देखील प्रेक्षकांच्या भेटीस आलं आहे. संगीतकार अवधूत गुप्ते म्हणतात,"बॉईज' व आणि बॉईज 2' ला जसं प्रेम प्रेक्षकांनी दिलं तसंच 'बॉईज ३' ला ही मिळेल याची खात्री आहे. 'बॉईज ३'ची ही गाणी प्रेक्षकांना खूप आवडत आहे, त्यावर चर्चा होत आहे याचा मला आनंद आहे. 'बॉईज 3' चित्रपटातील गाण्यांवर लोक थिरकत आहेत.
वाचा इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
