Bigg Boss OTT 2 Contestants : 'बिग बॉस ओटीटी 2' (Bigg Boss OTT 2) हा लोकप्रिय कार्यक्रम आजपासून प्रेक्षकांच्या भेटीला येणार आहे. गेल्या काही दिवसांपासून 'बिग बॉस ओटीटी'च्या दुसऱ्या पर्वात कोणते स्पर्धक सहभागी होणार याबद्दल अनेक अंदाज वर्तवले जात होते. 'बिग बॉस ओटीटी 2' हा कार्यक्रम प्रेक्षक जिओ सिनेमावर पाहू शकतात. आता निर्मात्यांनी या पर्वात सहभागी होणाऱ्या स्पर्धकांची यादी जाहीर केली आहे. जाणून घ्या स्पर्धकांबद्दल...
अविनाश सचदेव : 'छोटी बहू' आणि 'इस प्यार को क्या नाम दूं? एक बार फिर' या मालिकेच्या माध्यमातून घराघरांत पोहोचलेला अभिनेता अविनाश सचदेव 'बिग बॉस ओटीटी 2'च्या माध्यमातून प्रेक्षकांचं मनोरंजन करण्यासाठी सज्ज आहे.
पलक पुरसवानी : अविनाश सचदेवची गर्लफ्रेंड पलक पुरसवानीदेखील 'बिग बॉस ओटीटी 2'मध्ये सहभागी होणार आहे. पलक ही मॉडेल आणि फॅशन डिझायनर आहे. 'Splitsvilla 7'च्या माध्यमातून पलकला चांगलीच लोकप्रियता मिळाली आहे. त्यानंतर ती 'ये रिश्ते हैं प्यार के' आणि 'बडी देवरानी' या मालिकेमध्ये झळकली आहे.
आलिया सिद्दीकी : बॉलिवूडचा हरहुन्नरी अभिनेता नवाजुद्दीन सिद्दीकीची पत्नी आलिया सिद्दीकीदेखील 'बिग बॉस ओटीटी 2'मध्ये स्पर्धक म्हणून सहभागी झाली आहे. आलिया गेल्या काही दिवसांपासून नवाजुद्दीनवरील आरोपांमुळे चर्चेत आहे.
अभिषेक मल्हान : अभिषेक मल्हान एक लोकप्रिय युट्यूबर आहे. 'फुकरा इंसान' या नावाने तो लोकप्रिय आहे.
आकांक्षा पुरी : अभिनेत्री आकांक्षा पुरी पुन्हा एकदा 'बिग बॉस' गाजवण्यासाठी सज्ज आहे. आकांक्षाने छोट्या पडद्यासह रुपेरी पडदादेखील गाजवला आहे.
जिया शंकर : जिया शंकर छोट्या पडद्यावरील लोकप्रिय अभिनेत्री आहे. 'मेरी हानिकारक बीवी' या मालिकेतील तिची डॉ. इरावतीची भूमिका प्रेक्षकांच्या पसंतीस उतरली. नुकतीच ती 'वेड' या मराठी सिनेमात झळकली होती. सिनेमे, मालिका, वेबसीरिजमध्ये आपल्या अभिनयाची जादू दाखवणारी जिया आता 'बिग बॉस ओटीटी 2'मध्ये सहभागी झाली आहे.
पुनीत कुमार : 'बिग बॉस ओटीटी'च्या दुसऱ्या पर्वात पुनीत कुमार म्हणजेच पुनीत सुपरस्टारदेखील सहभागी झाला आहे.
बेबिका धुर्वे : अभिनेत्री बेबिका धुर्वे नुकतीच 'भाग्य लक्ष्मी' या मालिकेत दिसली होती. ती सलमानची मोठी चाहती असून आता ती 'बिग बॉस ओटीटी 2'मध्ये सहभागी होत आहे.
फलक नाज : अभिनेत्री फलक नाजदेखील 'बिग बॉस ओटीटी 2'चा भाग असणार आहे.
श्रुती सिन्हा : 'Splitsvilla 11'ची विजेती श्रुती सिन्हा 'रोडीज' आणि 'एस ऑफ स्पेस' गाजवल्यानंतर आता बिग बॉस ओटीटीमध्ये सहभागी होत आहे.
मनीषा रानी : मनीषा रानी सोशल मीडियावर चांगलीच अॅक्टिव्ह आहे. 'द कपिल शर्मा शो'च्या माध्यमातून प्रेक्षकांचं मनोरंजन केल्यानंतर आता ती 'बिग बॉस ओटीटी 2'मध्ये सहभागी होत आहे.
जेद हदीद : मॉडेल जेद हदीददेखील 'बिग बॉस ओटीटी 2'मध्ये सहभागी झाला आहे.
संबंधित बातम्या