Kisi Ka Bhai Kisi Ki Jaan: अभिनेता सलमान खान (Salman Khan) आणि अभिनेत्री पूजा हेगडे (Pooja Hegde) यांचा 'किसी का भाई किसी की जान' (Kisi Ka Bhai Kisi Ki Jaan) या चित्रपटाला प्रेक्षकांची पसंती मिळाली. या चित्रपटानं बॉक्स ऑफिसवर कोट्यवधींची कमाई केली. आता हा चित्रपट ओटीटीवर रिलीज होणार आहे.
ज्या प्रेक्षकांनी 'किसी का भाई किसी की जान' हा चित्रपट ज्यांनी थिएटरमध्ये पाहिला नाही. ते लोक आता हा चित्रपट घरबसल्या पाहू शकतात. हा चित्रपट 23 जूनपासून ZEE5 या ओटीटी प्लॅटफॉर्मवर स्ट्रीम होणार आहे. सलमान खानने ट्विट शेअर करून किसी का भाई किसी की जान या चित्रपटाच्या डिजिटल रिलीजची माहिती दिली आहे.
'किसी का भाई किसी की जान' (Kisi Ka Bhai Kisi Ki Jaan) या चित्रपटात सलमान आणि पूजा यांच्यासोबतच शहनाज गिल, भूमिका चावला, साऊथ सुपरस्टार वेकेंटश दग्गुबाती, पलक तिवारी, सिद्धार्थ निगम, जस्सी गिल या कलाकारांनी प्रमुख भूमिका साकारली आहे.
हा चित्रपट 21 एप्रिल 2023 रोजी थिएटमध्ये प्रदर्शित झाला होता. या चित्रपटानं जगभरातील बॉक्स ऑफिसवर जवळपास150 कोटींपेक्षा जास्त कमाई केली आहे.
'किसी का भाई किसी की जान' चित्रपटातील गाण्यांना पसंती
'किसी का भाई किसी की जान' या चित्रपटामधील 'छोटू मोटू' ,'येंतम्मा', 'नय्यो लगदा', 'बिल्ली बिल्ली', 'बथुकम्मा' आणि 'जी रहे थे हम' या गाण्यांना प्रेक्षकांची पसंती मिळाली आहे. अनेक नेटकरी या गाण्यावर रिल्स करत आहेत.
सलमानचे आगामी चित्रपट
'किसी का भाई किसी की जान या चित्रपटानंतर सलमानच्या आगामी चित्रपटांची प्रेक्षक उत्सुकतेने वाट बघत आहेत. सलमानचा 'टायगर-3' हा चित्रपट देखील लवकरच प्रेक्षकांच्या भेटीस येणार आहे. किक-2 तसेच नो एन्ट्रीच्या सिक्वेलमधून सलमान प्रेक्षकांच्या भेटीस येणार आहे.
महत्त्वाच्या इतर बातम्या :