Prasad Jawade On Bigg Boss Marathi 4 : बिग बॉस मराठीचं चौथं पर्व (Bigg Boss Marathi 4) शेवटच्या टप्प्यात आल्याने चाहत्यांमध्ये आता या कार्यक्रमाची उत्सुकता आहे. अशातच आता या स्पर्धेतलं शेवटचं एलिमेनेश कार्य पार पडलं असून यातून प्रसाद जवादेला (Prasad Jawade) घराबाहेर पडावं लागलं आहे.
प्रसाद जवादेचा मोठा चाहतावर्ग आहे. बिग बॉसच्या घरात अगदी पहिल्या दिवसापासून प्रसादने लक्ष वेधून घेतलं होतं. त्याची खेळण्याची पद्धत चाहत्यांच्या पसंतीस उतरली होती. पण आता त्याचा बिग बॉसच्या घरातील प्रवास संपल्याने चाहते नाराज झाले आहेत. तसेच तो घराबाहेर पडताना स्पर्धकदेखील भावूक झाले होते.
प्रसादची खास पोस्ट...
घराबाहेर पडल्यानंतर प्रसादने एक खास पोस्ट शेअर करत चाहत्यांचे आभार मानले आहेत. त्याने लिहिलं आहे,"अजूनही विश्वास बसत नाही की 'बिग बॉस मराठी 4'चा माझा प्रवास संपला आहे. खेळाच्या अंतिम टप्प्यावर येऊन बाहेर पडलो याचं खूप दु:ख आहे".
प्रसादने पुढे लिहिलं आहे,"मला एक गोष्ट खात्रीपूर्वक माहीत आहे की सलग आठ आठवडे नॉमिनेटेड असताना सतत साथ आणि वोट्स देणाऱ्या माझ्या पलटणच्या प्रेमाची पॉवर इतकी आहे की वोट्स का, सारं काही जिंकता येईल. घरातील प्रवासात खूप उतार-चढाव होते. पण तुमच्या प्रेमामुळे सतत एक उमेद आणि ऊर्जा मिळत होती".
'बिग बॉस मराठी 4' Top 5 मध्ये कोण?
घराबाहेर पडताना प्रसाद म्हणाला,"आपली जी भांडणं आहेत ती आपण याच घरापुरती ठेवूया". तसेच मांजरेकर (Mahesh Manjrekar) म्हणाले,"प्रसादचं घराबाहेर जाणं हा या पर्वातील सर्वात मोठा धक्का आहे". प्रसाद घराबाहेर पडल्याने आता राखी सावंत, अमृता धोंगडे, किरण माने, अक्षय केळकर, आरोह वेलणकर या स्पर्धकांमध्ये चढाओढ पाहायला मिळणार आहे". त्यामुळे टॉप पाच स्पर्धकांमध्ये रंगलेली चुरस प्रेक्षकांसाठी मात्र मनोरंजनाची पर्वणी ठरणार आहे.
येत्या रविवारी म्हणजेच 8 जानेवारी 2023 रोजी बिग बॉस मराठीच्या चौथ्या पर्वाचा महाअंतिम सोहळा रंगणार आहे. आता या पर्वात कोण बाजी मारणार याकडे चाहत्यांचं लक्ष लागलं आहे. आपलाच स्पर्धक विजेता व्हावा यासाठी चाहते सोशल मीडियाच्या माध्यमातून प्रयत्न करत आहेत.
संबंधित बातम्या