'बागी 2' ची शनिवारीही दमदार कमाई, एकूण आकडा...

'बागी 2' ने शुक्रवारी भारतात 25.10 कोटींची कमाई केली. तर दुसऱ्या दिवशी बॉक्स ऑफिसवर 20.40 कोटींचा गल्ला जमवला. या सिनेमाची दोन दिवसांची कमाई 45.50 कोटी झाली आहे.

मुंबई : अभिनेता टायगर श्रॉफचा अॅक्शन सिनेमा 'बागी 2' ला बंपर ओपनिंग मिळाली आहे. पहिल्याच दिवशी म्हणजे शुक्रवारी या सिनेमाने पद्मावत, पॅडमॅन आणि या वर्षात रिलीज झालेल्या इतर सर्व सिनेमांच्या पहिल्या दिवसाच्या कमाईचे आकडे मागे टाकले. तर कमाईचा हाच वेग दुसऱ्या दिवशी म्हणजे शनिवारीही कायम राहिला. 'बागी 2' ने शुक्रवारी भारतात 25.10 कोटींची कमाई केली. बॉक्स ऑफिसवर पहिल्याच दिवशी एवढी कमाई करणारा हा या वर्षातला पहिलाच सिनेमा आहे. तर दुसऱ्या दिवशी बॉक्स ऑफिसवर 20.40 कोटींचा गल्ला जमवला. मार्केट अॅनालिस्ट तरण आदर्श यांनी याबाबत माहिती दिली. या सिनेमाची दोन दिवसांची कमाई 45.50 कोटी झाली आहे.

#Baaghi2 is a LOTTERY... Continues to SURPRISE [the trade] and SHOCK [the pessimists] with SENSATIONAL biz on Sat... Proves all calculations and assumptions wrong... Fri 25.10 cr, Sat 20.40 cr. Total: ₹ 45.50 cr. India biz.

— taran adarsh (@taran_adarsh) April 1, 2018

या सिनेमाला रविवारच्या सुट्टीचा चांगला फायदा होणार आहे. भारतात 3500, तर परदेशात 625 अशा एकूण 4125 स्क्रीनवर हा सिनेमा वर्ल्डवाईड रिलीज झाला आहे. 'बागी 2' हा 2016 साली रिलीज झालेल्या 'बागी' सिनेमाचा सिक्वल आहे. 'बागी'ने बॉक्स ऑफिसवर चांगली कमाई केली होती. 'बागी'मध्ये श्रद्धा कपूर आणि टायगर श्रॉफ मुख्य भूमिकेत होते, तर 'बागी 2' मध्ये टायगर श्रॉफसोबत दिशा पटाणी मुख्य भूमिकेत आहे. या वर्षातील टॉप 5 सिनेमे बागी 2 - 25 कोटी पद्मावत-19 कोटी (एक दिवस अगोदर झालेल्या प्रीव्ह्यूसोबत 24 कोटी) पॅडमॅन - 10 कोटी रेड - 10.04 कोटी सोनू के टीटू की स्वीटी- 6.42 कोटी