'बागी 2' ला जबरदस्त ओपनिंग, या वर्षातले सर्व विक्रम मोडले

पहिल्याच दिवशी म्हणजे शुक्रवारी या सिनेमाने पद्मावत, पॅडमॅन आणि या वर्षात रिलीज झालेल्या इतर सर्व सिनेमांच्या पहिल्या दिवसाच्या कमाईचे आकडे मागे टाकले आहेत.

मुंबई : अभिनेता टायगर श्रॉफचा अॅक्शन सिनेमा 'बागी 2' ला बंपर ओपनिंग मिळाली आहे. पहिल्याच दिवशी म्हणजे शुक्रवारी या सिनेमाने पद्मावत, पॅडमॅन आणि या वर्षात रिलीज झालेल्या इतर सर्व सिनेमांच्या पहिल्या दिवसाच्या कमाईचे आकडे मागे टाकले आहेत.

#Baaghi2 sets the BO on 🔥🔥🔥... Takes a FANTABULOUS, EARTH SHATTERING START... Emerges the BIGGEST OPENER of 2018 [so far], surpassing Previews + Day 1 biz of #Padmaavat... Fri ₹ 25.10 cr. India biz... The numbers are an EYE-OPENER!

— taran adarsh (@taran_adarsh) March 31, 2018

'बागी 2' ने शुक्रवारी भारतात 25.10 कोटींची कमाई केली. बॉक्स ऑफिसवर पहिल्याच दिवशी एवढी कमाई करणारा हा या वर्षातला पहिलाच सिनेमा आहे. मार्केट अॅनालिस्ट तरण आदर्श यांनी याबाबत माहिती दिली. या सिनेमाला शनिवार आणि रविवारच्या सुट्टीचा चांगला फायदा होणार आहे. भारतात 3500, तर परदेशात 625 अशा एकूण 4125 स्क्रीनवर हा सिनेमा वर्ल्डवाईड रिलीज झाला आहे. 'बागी 2' हा 2016 साली रिलीज झालेल्या 'बागी' सिनेमाचा सिक्वल आहे. 'बागी'ने बॉक्स ऑफिसवर चांगली कमाई केली होती. 'बागी'मध्ये श्रद्धा कपूर आणि टायगर श्रॉफ मुख्य भूमिकेत होते, तर 'बागी 2' मध्ये टायगर श्रॉफसोबत दिशा पटाणी मुख्य भूमिकेत आहे. या वर्षातील टॉप 5 सिनेमे बागी 2 - 25 कोटी पद्मावत-19 कोटी (एक दिवस अगोदर झालेल्या प्रीव्ह्यूसोबत 24 कोटी) पॅडमॅन - 10 कोटी रेड - 10.04 कोटी सोनू के टीटू की स्वीटी- 6.42 कोटी