Anushka Sharma : लेकीसोबत अनुष्का शर्माची सायकल सफारी, व्हिडीओ शेअर करत म्हणाली...

Anushka Sharma : बॉलिवूड अभिनेत्री अनुष्का शर्मा (Anushka Sharma) नुकतीच मालदीवमधून भारतात परतली आहे. अभिनेत्री आपल्या संपूर्ण कुटुंबासह सुट्ट्यांचा आनंद लुटत होती.

Anushka Sharma : बॉलिवूड अभिनेत्री अनुष्का शर्मा (Anushka Sharma) नुकतीच मालदीवमधून भारतात परतली आहे. अभिनेत्री आपल्या संपूर्ण कुटुंबासह सुट्ट्यांचा आनंद लुटत होती. अनुष्का शर्माने मालदीवमध्ये पती विराट कोहली (Virat Kohli) आणि मुलगी वामिकासोबत (Vamika) खूप एन्जॉय केले आहे. अनुष्का मालदीवमधून घरी परतली आहे आणि सुट्टीत घालवलेल्या सुंदर क्षणांच्या आठवणी सोशल मीडियावर शेअर करत आहे. नुकताच अनुष्काने एक सुंदर व्हिडीओ सोशल मीडियावर शेअर केला आहे. या व्हिडीओवर लाईक्सचा पाऊस पडत आहे.

अनुष्का शर्माने तिच्या इंस्टाग्राम अकाऊंटवरून एक व्हिडीओ शेअर केला आहे, ज्यामध्ये ती सायकलिंगचा आनंद लुटताना दिसत आहे. कधी नारंगी, कधी गुलाबी तर कधी पांढरी मोनोकिनी परिधान करून अनुष्का आपल्या सौंदर्याचा जलवा दाखवत आहे. विशेष म्हणजे अनुष्काच्या सायकल राईडमध्ये तिची मुलगी वामिकाही तिच्यासोबत दिसत आहे. अनुष्काने तिच्या सायकलच्या मागे बेबी सीट लावली आहे, ज्यामध्ये तिची मुलगी वामिका देखील बसली आहे. अर्थात व्हिडीओत वामिकाचा चेहरा दिसत नाही.

पाहा व्हिडीओ :

अनुष्का-विराट आणि वामिका आता सुट्टीवरून परतले आहेत आणि यानंतरच अनुष्काने हा थ्रोबॅक व्हिडीओ सोशल मीडियावर शेअर केला आहे. हा सुंदर व्हिडीओ शेअर करत अनुष्काने मजेशीर कॅप्शनही लिहिले आहे की, ‘माझ्या दोन प्रिय व्यक्तींसोबतच्या सर्वोत्तम आठवणी, मला तिथे परत जायचे आहे.’ चाहत्यांसोबतच अनेक सेलिब्रिटीही अनुष्काच्या व्हिडीओवर लाईक्स आणि कमेंट्सचा वर्षाव करत आहेत.

अनुष्काचं मोठ्या पडद्यावर पुनरागमन

या व्हिडीओमध्ये अनुष्कासोबत तिची मुलगी वामिकाही सायकलिंगचा आनंद घेत आहे. या व्हिडीओवर चाहत्यांच्या कमेंट्सचा पाऊस पडत आहे. अनुष्काचा पती आणि भारतीय क्रिकेट संघाचा माजी कर्णधार विराट कोहलीनेही मालदीवचे काही फोटो शेअर केले आहेत. वर्क फ्रंटबद्दल बोलायचे तर, अनुष्का शर्मा शेवट शाहरुख खान आणि कतरिना कैफसोबत 'झिरो' या चित्रपटात दिसली होती. अनुष्का सध्या भारतीय महिला क्रिकेटर झुलन गोस्वामी यांच्या बायोपिकच्या शूटिंगमध्ये व्यस्त आहे. 'चकडा एक्सप्रेस' या चित्रपटातून ती पुन्हा एकदा मोठ्या पडद्यावर झळकणार आहे.

हेही वाचा :