Ananya Panday: बहिणीच्या मेहंदी सोहळ्यात सिगारेट ओढली; अनन्याचा व्हायरल फोटो पाहून अनेकांच्या भुवया उंचावल्या
अलानाच्या (Alanna Panday) मेहंदी सोहळ्यातील अनन्याचा (Ananya Panday) एक फोटो सोशल मीडियावर व्हायरल झाला आहे. या फोटोमध्ये अनन्या ही सिगारेत ओढताना दिसत आहे.
Ananya Panday: बॉलिवूडमधील प्रसिद्ध अभिनेत्री अनन्या पांडे (Ananya Panday) ही सध्या तिच्या व्हायरल फोटोमुळे चर्चेत आहे. अनन्यानं तिची चुलत बहीण अलाना पांडेच्या (Alanna Panday) मेहंदी सोहळ्या हजेरी लावली. अलाना ही इवोर मॅकक्रेसोबत लवकरच लग्नगाठ बांधणार आहे. अलानाच्या मेहंदी सोहळ्यातील अनन्याचा एक फोटो सोशल मीडियावर व्हायरल झाला आहे. या फोटोमध्ये अनन्या ही सिगारेत ओढताना दिसत आहे. अनन्याचा हा फोटो पाहून अनेकांच्या भुवया उंचावल्या आहेत.
अलाना ही चंकी पांडेचा भाऊ चिक्की पांडे आणि डॅनी पांडे यांची मुलगी आहे. अलाना आणि तिचा बॉयफ्रेंड इवोर मॅकक्रे यांचा विवाह सोहळा लवकरच पार पडणार आहे. सध्या अलाना आणि इवोर यांचे प्री-वेडिंग फंक्शन्स सुरु आहेत. नुकताच अलानाचा मेहंदी सोहळा पार पडला. या मेहंदी सोहळ्यातील अनन्याचा फोटो सोशल मीडियावर व्हायरल झाला. हा फोटो एका नेटकऱ्यानं सोशल मीडियावर शेअर करुन लिहिलं, अनन्या ही सिगारेट ओढत असेल, असं वाटलं नव्हतं. हे नेपो किड्स ते फिटनेस फ्रिक आहेत, असं दाखवत असतात.' व्हायरल फोटोमध्ये मेहंदी सोहळ्याला आलेले इतर पाहुणे देखील दिसत आहेत.
पाहा फोटो
Was not expecting Ananya to be a smoker. Love how these Nepo kids brag about being such health freaks...#AnanyaPanday pic.twitter.com/TZmTnQTEJv
— RADHE (@BEINGRADHEYA) March 14, 2023
अलानाच्या मेहंदी सोहळ्यासाठी अनन्याने खास लूक केला होता. तिने पिंक स्कर्ट आणि स्ट्रॅप क्रॉप टॉप, मिडिल पार्टेड हेअर स्टाइल, न्यूड मेकअप असा लूक केला होता.
अलानाच्या मेहंदी सोहळ्याला 'या' सेलिब्रिटींनी लावली हजेरी
बॉबी देओल, सलमान खान, हेलन, अलवीरा अग्निहोत्री, अतुल अग्निहोत्री, अनुराग कश्यपची मुलगी आलिया कश्यप या सेलिब्रिटींनी अलानाच्या मेहंदी सोहळ्याला हजेरी लावली होती.
अनन्या वैयक्तिक आयुष्यामुळे असते चर्चेत
अनन्या तिच्या वैयक्तिक आयुष्यामुळे कायम चर्चेत असते. गेल्या काही दिवसांपासून काही नेटकरी अनन्याचं नाव अभिनेता आदित्य रॉय कपूरसोबत जोडत आहेत. काही दिवसांपूर्वी आदित्य आणि अनन्या यांनी लॅकमे फॅशन वीकमध्ये रॅम्प वॉक देखील केला. त्यानंतर हे दोघे एकमेकांना डेट करत आहेत का? असा प्रश्न अनेकांना पडला. अनन्याचा लवकरच ड्रीम गर्ल 2 हा चित्रपट प्रेक्षकांच्या भेटीस येणार आहे.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
