Anant Ambani Radhika Merchant : मुहूर्त ठरला! अनंत अंबानी-राधिका मर्चेंट 12 जुलैला अडकणार लग्नबंधनात; वेडिंग कार्ड पाहिलंत का?

Anant Ambani Radhika Merchant : अनंत अंबानी आणि राधिका मर्चेंट यांच्या शाही विवाहसोहळ्याची तारीख आता समोर आली आहे. 12 जुलै 2024 रोजी अनंत-राधिका लग्नबंधनात अडकणार आहेत.

Anant Ambani Radhika Merchant Wedding

Anant Ambani Radhika Merchant : देशातील श्रीमंत उद्योगपती मुकेश अंबानी (Mukesh Ambani) आणि नीता अंबानी (Nita Ambani) यांचा धाकटा मुलगा अनंत अंबानी (Anant Ambani) आणि राधिका मर्चेंट (Radhika Merchant) यांच्या लग्नाचा मुहूर्त अखेर ठरला आहे. अनंत-राधिका येत्या 12 जुलैला लग्नबंधनात अडकणार आहेत. शाही थाटात मुंबईतील जिओ वर्ल्ड सेंटरमध्ये (Jio World Centre) हा लग्नसोहळा पार पडणार आहे. या दिमाखदार लग्नसोहळ्याची सर्वांनाच उत्सुकता आहे. वेडिंग कार्डचा फोटो सोशल मीडियावर व्हायरल होत आहे.

अनंत अंबानी आणि राधिका मर्चेंट यांचा लग्नसोहळा 12 जुलै 2024 रोजी मुंबईतील बीकेसी येथील जिओ वर्ल्ड सेंटरमध्ये पार पडणार आहे. पारंपारिक हिंदू रितीरिवाजानुसार त्यांचा लग्नसोहळा पार पडणार आहे. 12 ते 14 जुलैदरम्यान त्यांचा लग्नसोहळा पार पडले. 

कसा असेल अनंत-राधिकाचा लग्नसोहळा? (Anant Ambani Radhika Merchant Wedding Update) 

अनंत-राधिका यांचा लग्नसोहळा 12 ते 14 जुलैदरम्यान पार पडणार आहे. 12 जुलैला शुभविवाह पार पडेल. 12 जुलैला शुभा आशिर्वाद (Shubh Ashirwad) आणि 14 जुलैला मंगल उत्सव (Mangal Utsav) पार पडणार आहे. 12 जुलैसाठी पारंपारिक ड्रेसकोड ठेवण्यात आला आहे. तर 13 जुलैला इंडियन फॉर्मल असा ड्रेसकोड आहे. त्यानंतर 14 जुलैला भारतीय पेहराव ठेवण्यात आला आहे. अनंत-राधिकाचं लक्षवेधी वेडिंग कार्ड सध्या सोशल मीडियावर व्हायरल होत आहे.

Anant Ambani and Radhika’s Wedding to be held in Mumbai on 12th July at the Jio World Convention Centre in BKC. Wedding to be performed in accordance with the traditional Hindu Vedic way.

The main wedding ceremonies will start on Friday, 12th July with the auspicious Shubh… pic.twitter.com/YKnaAIAs7o

— ANI (@ANI) May 30, 2024

शाही थाटात पार पडतंय दुसरं प्री-वेडिंग

अनंत अंबानी आणि राधिका मर्चेंट यांच्या दुसऱ्या प्री-वेडिंगचं आयोजन 29 मे 2024 पासून करण्यात आलं आहे. लग्झरी क्रूजवर या पार्टीचं आयोजन करण्यात आलं आहे. क्रूझवर पार पडणाऱ्या या प्री-वेडिंगला बॉलिवूडसह जगभरातील अनेक दिग्गज मंडळी हजेरी लावणार आहेत. 29 मे ते 1 जूनदरम्यान फ्रान्समध्ये अनंत-राधिकाचं प्री-वेडिंग पार पडणार आहे. मनोरंजन, राजकारण, उद्योग, क्रीडा अशा विविध क्षेत्रातील मंडळी त्यांच्या दुसऱ्या प्री-वेडिंगला आणि लग्नाला हजेरी लावणार आहेत.

संबंधित बातम्या