Allu Arjun Net Worth : आलिशान घर...महागड्या गाड्या; अल्लू अर्जुन कोट्यवधींचा मालक

Allu Arjun : दाक्षिणात्य सुपरस्टार अल्लू अर्जुनची संपत्ती जवळपास 350 कोटींच्या आसपास आहे.

Allu Arjun

Allu Arjun Net Worth : दाक्षिणात्य सुपरस्टार अल्लू अर्जुनची (Allu Arjun) लोकप्रियता दिवसेंदिवस वाढत आहे. वेगवेगळ्या भूमिकांच्या माध्यमातून तो प्रेक्षकांच्या भेटीला येत आहे. गेल्या दोन दशकांपासून तो प्रेक्षकांचं मनोरंजन करत आहे. आजवर त्याने अनेक सुपरहिट सिनेमांत काम केलं आहे. अल्लू अर्जुन 350 कोटींच्या संपत्तीचा मालक आहे. 

मीडिया रिपोर्टनुसार, अल्लू अर्जुनची एकूण संपत्ती 350 कोटी आहे. तसेच तो एका सिनेमासाठी 10 कोटी मानधन घेतो. अल्लू अर्जुन जाहिरातींमधून खूप पैसे कमावतो. एका जाहिरातीसाठी तो चार कोटी रुपये आकारतो. त्याची वर्षभराची कमाई 24 कोटींच्या आसपास आहे. हैदराबादमध्ये अल्लू अर्जुनचं आलिशान घर आहे. या घराची किंमत 100 कोटींच्या आसपास आहे. 

अल्लू अर्जुनकडे अनेक महागड्या गाड्या आहेत. त्याच्याकडे 2.50 कोटी रुपयांची रेंज रोवर, 1.20 कोटींची जगुआर एक्सजेएल तसेच एक बीएमडब्ल्यू आणि एक ऑडी कारदेखील आहे. महागड्या गाड्यांसह त्याची स्वत:ची व्हॅनिटी व्हॅनदेखील आहे. या व्हॅनची किंमत सात कोटी आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Allu Arjun (@alluarjunonline)

'पुष्पा 2' साठी अल्लू अर्जुनने किती मानधन घेतलं? 

'पुष्पा: द राईज' या सिनेमासाठी अल्लू अर्जुनने 125 कोटी मानधन घेतलं आहे. 450 कोटींच्या बजेटमध्ये या सिनेमाची निर्मिती करण्यात आली आहे. 'पुष्पा: द रूल' या सिनेमात 'पुष्पा: द राईज' प्रमाणेच प्रेक्षकांना ड्रामा, अॅक्शन आणि थ्रिल बघायला मिळणार आहे. 

'पुष्पा: द रूल' हा सिनेमा जगभरातील सिनेप्रेक्षकांच्या पसंतीस उतरला होता. या सिनेमातील डायलॉग, कथानक आणि चित्रपटातील गाण्यांना प्रेक्षकांची विशेष पसंती मिळाली होती. या सिनेमाने बॉक्स ऑफिसवर 300 कोटींहून अधिक कमाई केली होती. त्यामुळे 'पुष्पा 2' किती कोटींचा गल्ला जमवणार याकडे प्रेक्षकांचं लक्ष लागलं आहे.

शूटिंगला सुरुवात!

मीडिया रिपोर्टनुसार, 'पुष्पा: द रूल' हा चित्रपट 2023 मध्ये प्रदर्शित होणार आहे. या सिनेमात अल्लू अर्जुन, फहाद फाजिल आणि रश्मिका मंदना हे पहिल्या भागातील कलाकार दिसणार आहेत. तसेच, 'पुष्पा 2'मध्ये विजय सेतुपती महत्त्वाच्या भूमिकेत दिसणार असल्याचे म्हटले जात आहे. आता या सिनेमाच्या शूटिंगला सुरुवात झाली आहे.

संबंधित बातम्या