Deva Deva Song Teaser : 'केसरिया' नंतर ब्रह्मास्त्रमधील 'देवा देवा' गाणं होणार रिलीज; पाहा टीझर
ब्रह्मस्त्र (Brahmastra) या चित्रपटामधील 'देवा देवा' (Deva Deva) या गाण्याचा टीझर प्रेक्षकांच्या भेटीस आला आहे.
Deva Deva Song Teaser : प्रसिद्ध अभिनेता रणबीर कपूर (Ranbir Kapoor) आणि आलिया भट्ट (Alia Bhatt) यांचा 'ब्रह्मास्त्र' (Brahmastra) हा चित्रपट लवकरच रिलीज होणार आहे. या चित्रपटामधील केसरिया (Kesariya) हे गाणं 17 जुलै रोजी रिलीज झालं. आता या चित्रपटामधील 'देवा देवा' (Deva Deva) या गाण्याचा टीझर प्रेक्षकांच्या भेटीस आला आहे. गाण्याच्या टीझरमध्ये रणबीर, आलियाला आणि अमिताभ बच्चन (Amitabh Bachchan) हे दिसत आहेत.
'या' दिवशी रिलीज होणार 'देवा देवा' हे गाणं
देवा देवा या गाण्याच्या टीझरला आत्तापर्यंत 4 लाख व्ह्यूज मिळाले आहेत. हे गाणं प्रसिद्ध गायक अरजित सिंहनं गायलं आहे. तर प्रीतम यांनी हे गाणं संगीतबद्ध केले आहे. अमिताभ भट्टाचार्य यांनी हे या गाण्याचे गीतकार आहेत. देवा देवा हे गाणं आठ ऑगस्ट रोजी रिलीज होणार आहे. या आधी या चित्रपटामधील केसरिया हे गाणं रिलीज झालं होतं. या गाण्याला प्रेक्षकांची पसंती मिळाली आहे.
पाहा टीझर:
ब्रह्मास्त्र चित्रपटाची स्टार कास्ट
'ब्रह्मास्त्र' या चित्रपटाची घोषणा ऑक्टोबर 2017मध्ये झाली होती. त्यानंतर फेब्रुवारी 2018 मध्ये त्याचे शूटिंग सुरू झाले. याआधी जून आणि नंतर सप्टेंबर 2019 मध्ये या चित्रपटाचे शूटिंग वाराणसीमध्ये झाले होते. या चित्रपटामध्ये पहिल्यांदाच प्रेक्षकांना आलिया आणि रणबीरची ऑन स्क्रिन केमिस्ट्री बघायला मिळणार आहे. या चित्रपटाचे दिग्दर्शन अयान मुखर्जीनं केलं आहे. या चित्रपटाचे तीन भाग प्रेक्षकांच्या भेटीस येणार आहेत. या तीन भागांमधील पहिला भाग हा 9 सप्टेंबर रोजी रिलीज झाला. ब्रह्मास्त्र या चित्रपटामध्ये आलिया, रणबीर, अमिताभ यांच्यासोबतच नागुर्जन, मौनी रॉय हे कलाकार प्रमुख भूमिका साकारणार आहेत. काही दिवसांपूर्वी या चित्रपटाचा ट्रेलर प्रदर्शित झाला. प्रेक्षक ब्रह्मास्त्र या चित्रपटाची उत्सुकतेने वाट बघत आहेत.
वाचा सविस्तर बातमी:
महत्त्वाच्या बातम्या
