Alia Bhatt, Karan Johar : लग्नाआधीच प्रेग्नंट होती आलिया भट्ट? करण जोहरच्या ‘त्या’ वक्तव्यामुळे चर्चांना उधाण!

Alia Bhatt : बॉलिवूडची चुलबुली अभिनेत्री आलिया भट्ट (Alia Bhatt) हिने लग्नाच्या अवघ्या दोन महिन्यानंतरच गुडन्यूज दिली आहे.

Alia Bhatt

Alia Bhatt : बॉलिवूडची चुलबुली अभिनेत्री आलिया भट्ट (Alia Bhatt) हिने लग्नाच्या अवघ्या दोन महिन्यानंतरच गुडन्यूज दिली आहे. अनेकांना ही बातमी ऐकून आनंद झाला. आलियाने ही गुडन्यूज दिल्यानंतर लाखो चाहत्यांनी तिच्यावर शुभेच्छांचा वर्षाव केला. मात्र, काही जणांनी ती लग्नाआधीच प्रेग्नंट असल्याच्या अटकळी बांधल्या. यानंतर अनेकांच्या मनात प्रश्न निर्माण होऊ लागला की, आलिया लग्नाआधीच प्रेग्नंट झाली होती का? मात्र, आता करण जोहरने (Karan Johar) केलेल्या वक्तव्यानंतर पुन्हा एकदा या चर्चांना उधान आले आहे. करण जोहरच्या शो 'कॉफी विथ करण'च्या पहिल्या एपिसोडमध्ये नुकतीच आलिया भट्ट आणि रणवीर सिंहने हजेरी लावली होती. यावेळी करण जोहरने एक असे वक्तव्य केले की, सर्वांच्याच भुवया उंचावल्या.

यादरम्यान, 'रॉकी और रानी की प्रेम कहानी' चित्रपटात एकत्र काम करत असलेल्या रणवीर (Ranveer Singh) आणि आलियाने शोमध्ये मजेदार गोष्टी सांगितल्या आणि काही गुपितेही उघड केली. यावेळी आलियाने रणबीरने आपल्याला कसं प्रपोज केलं, आणि त्या खास क्षणाचा फोटो दाखवण्यावर रणवीर सिंहच्या डोळ्यांत कसं पाणी आलं, हा एक किस्सा सांगितला. याचवेळी आलिया म्हणाली की, मी हि गोष्ट सांगितल्यावर रडू कोसळणारा रणवीर सिंह हा पहिला व्यक्ती नाही. या आधी करण जोहरच्या बाबतीतही असेच घडले आहे.

काय म्हणाली आलिया?

हा किस्सा सांगताना आलिया म्हणाली की, ‘मी एकदा करण जोहरच्या ऑफिसमध्ये गेले होते. तो त्याच्या खुर्चीवर बसला होता. त्या दिवशी त्याचा ‘बॅड हेअर डे’ होता. त्यामुळे वैतागलेल्या करणने केसांमध्ये मोठी हेअर कॅप घातली होती. त्याच वेळी मी त्याच्या ऑफिसमध्ये गेले आणि हीच गोष्ट त्याला सांगितली. ते ऐकून करणलाही आनंदाने रडू आलं होतं.’

करणने काय गडबड केली?

आता आलियाने सांगितलेला हाच किस्सा करण जोहरने या आधी देखील सांगितला होता. मात्र, त्यात प्रपोज डे नव्हे, तर आई होणार असल्याची गुडन्यूज होती. अर्थात, त्याने हा किस्सा सारखाच सांगितलेला, पण त्यात त्याने आलियाच्या प्रेग्नन्सीचा उल्लेख केला होता. आलियाने गुडन्यूज दिल्यावर जेव्हा करण जोहरने मध्मांना प्रतिक्रिया दिली तेव्हा कारण जोहरने हाच किस्सा सांगितला होता. तो म्हणाला, आलिया जेव्हा ऑफिसमध्ये आली, तेव्हा मी हेअर कॅप लावून बसलो होतो. ती आली आणि तिने मला तिची गुडन्यूज सांगितली. आलिया माझी मानलेली मुलगी असल्याने माझ्या बाळाला आता बाळ होणार हे ऐकून मला आनंदाने रडू आलं होतं.’

आता, आलिया आणि करण जोहरने सांगितलेला हा किस्सा ऐकून गोंधळलेले चाहते पुन्हा स्वतःचे अंदाज बांधत आहेत.

संबंधित बातम्या