मुंबई : देशासह राज्यातही कोरोनाचा प्रादुर्भाव वाढला आहे. राज्यात कोरोना बाधितांची संख्या झपाट्यानं वाढत आहे. ज्यामुळे चित्रपटसृष्टीचंही मोठ्या प्रमाणावर नुकसान होत आहे. अशातच कोरोनाच्या वाढत्या प्रादुर्भावामुळे अभिनेता अक्षय कुमारचा बहुप्रतिक्षित चित्रपट 'सूर्यवंशी'ची रिलीज डेट पुन्हा एकदा पुढे ढकलण्यात आली आहे. दरम्यान, काही दिवसांपूर्वीच दिग्दर्शक रोहित शेट्टीच्या वाढदिवसानिमित्त अभिनेता अक्षय कुमार आणि रणवीर सिंह यांनी आपला अॅक्शन चित्रपट 'सूर्यवंशी'ची रिलीज डेट जाहीर केली होती.


'सूर्यवंशी'ची रिलीज डेट पुन्हा पुढे ढकलली 


बहुचर्चित आणि बहुप्रतिक्षित अभिनेता अक्षय कुमारचा चित्रपट 'सूर्यवंशी' गेल्या वर्षीच रिलीज करण्यात येणार होता. परंतु, कोरोना व्हायरसच्या प्रादुर्भावामुळे देशभरात लागू करण्यात आलेल्या लॉकडाऊनमुळे त्यावेळी चित्रपटाची रिलीज डेट पुढे ढकलण्यात आली होती. तसेच देशभरात कोरोना बाधितांच्या संख्येत झपाट्यानं होणारी वाढ लक्षात घेता, या चित्रपटाची रिलीज डेट पुन्हा एकदा पुढे ढकलण्यात आली आहे. 


मुख्यमंत्र्यांकडून दिग्दर्शक रोहित शेट्टीचं कौतुक 


दरम्यान, चित्रपट 'सूर्यवंशी'ची रिलीज डेट पुन्हा एकदा पुढे ढकलण्यात आली आहे. यासंदर्भात मुख्यमंत्री उद्धव ठाकरे यांनी दिग्दर्शक रोहित शेट्टी यांच्या एक बैठक पार पडली होती. या बैठकीत मुख्यमंत्री उद्धव ठाकरे यांनी रोहित शेट्टीच्या निर्णयाचं स्वागत करत, कौतुकही केलं होतं. त्यावेळी ते म्हणाले होते की, रोहित शेट्टी यांनी चित्रपटाच्या प्रदर्शनाची तारिख पुढे ढकलण्याचा साहसी आणि अत्यंत कठिण निर्णय घेतला आहे. 


अक्षय कुमार रुग्णालयात तर 'राम सेतु'शी संबंधित 45 जण कोरोना पॉझिटिव्ह, चित्रीकरण थांबलं


अभिनेता अक्षय कुमार कोरोना पॉझिटिव्ह 


बॉलिवूडचा खिलाडी अक्षय कुमारला कोरोनाची लागण झाली आहे. अक्षयने स्वत: ट्वीट करुन याबाबत माहिती दिली होती. अक्षय होम क्वॉरंटाईन होता, परंतु त्रास वाढू लागल्यानं त्याला मुंबईतील रुग्णालयात दाखल करण्यात आलं आहे. अक्षय कुमार व्यतिरिक्त गोविंदा, आलिया भट्ट, रणबीर कपूर (Ranbir Kapoor), संजय लीला भंसाळी (Sanjay Leela Bhansali), मनोज बाजपेयी (Manoj Bajpayee), क्रिती सेनन या काही बॉलिवूड सेलिब्रिटींना कोरोनाची लागण झाली होती. 


दरम्यान, अक्षय कुमारसोबतच रणवीर सिंह, अजय देवगण आणि कतरिना कैफ यांचाही समावेश आहे. दिग्दर्शक रोहित शेट्टीनंही आपल्या इन्स्टाग्राम अकाउंटवरुनही चित्रपटाच्या रिलीज डेटची अधिकृत घोषणा केली आहे. 


महत्त्वाच्या इतर बातम्या :