Samrat Prithviraj Online Leaked : अक्षय कुमारच्या ‘सम्राट पृथ्वीराज’ चित्रपटाला पायरसीचा फटका, रिलीजनंतर ऑनलाईन लीक!

Samrat Prithviraj Online Leaked : 'सम्राट पृथ्वीराज'मध्ये माजी मिस वर्ल्ड मानुषी छिल्लरसोबत, अभिनेता अक्षय कुमार मुख्य भूमिकेत दिसला आहे. मात्र, आता या चित्रपटाला एका मोठा फटका बसला आहे.

Samrat Prithviraj

Samrat Prithviraj : बॉलिवूडचा प्रसिद्ध अभिनेता अक्षय कुमारचा (Akshay Kumar) 'सम्राट पृथ्वीराज' (Samrat Prithviraj)  हा चित्रपट बॉक्स ऑफिसवर रिलीज झाला असून, या चित्रपटाने प्रदर्शित होताच धुमाकूळ घातला आहे. चंद्रप्रकाश द्विवेदी दिग्दर्शित 'सम्राट पृथ्वीराज'मध्ये माजी मिस वर्ल्ड मानुषी छिल्लरसोबत, अभिनेता अक्षय कुमार मुख्य भूमिकेत दिसला आहे. मात्र, आता या चित्रपटाला एका मोठा फटका बसला आहे. रिलीजच्या अवघ्या काही तासांतच हा चित्रपट ऑनलाईन लीक झाला आहे. याचा या चित्रपटाच्या कलेक्शनवर मोठा परिणाम होऊ शकतो.

या चित्रपटात अक्षय आणि मानुषीसोबत आशुतोष राणा, संजय दत्त आणि सोनू सूद हे देखील महत्त्वाच्या भूमिकेत दिसले आहेत. बॉक्स ऑफिसवरचा प्रतिसाद पाहता, हा चित्रपट प्रेक्षकांना आवडला आहे, असे म्हणता येईल.

रिलीजनंतर चित्रपट ऑनलाईन लीक!

पण, 'सम्राट पृथ्वीराज' बॉक्स ऑफिसवर आपली जादू दाखवण्या आधीच तमिलरॉकर्सने अक्षय कुमारचा चित्रपट ऑनलाइन लीक केला आहे. तमिल रॉकर्सव्यतिरिक्त, 'सम्राट पृथ्वीराज' हा चित्रपट FilmyWap, Movierulz आणि Telegram सारख्या प्लॅटफॉर्मवर देखील लीक झाला आहे. यावरून लोक केवळ ऑनलाईन चित्रपट पाहू शकत नाहीत, तर डाउनलोड देखील करू शकतात.

'सम्राट पृथ्वीराज' लीक झाल्यामुळे आता त्याचा बॉक्स ऑफिस कलेक्शनवर मोठा परिणाम होऊ शकतो. अक्षय कुमारच्या या चित्रपटाची सुरुवात संथ झाली होती. कारण, हा चित्रपट आगाऊ बुकिंगमध्ये जास्त कमाई करू शकला नव्हता.

अक्षयसाठी हा चित्रपट महत्त्वाचा!

या आधी प्रदर्शित झालेला अक्षय कुमारचा 'बच्चन पांडे' हा चित्रपटही फ्लॉप ठरला होता. मात्र, हा चित्रपट प्रदर्शित झाल्यानंतर काय चमत्कार दाखवू शकतो, हे पाहणे महत्त्वाचे ठरणार आहे. माजी ‘मिस वर्ल्ड’ मानुषी छिल्लर, अक्षय कुमारच्या या चित्रपटातून बॉलिवूडमध्ये पदार्पण करत आहे. गेल्या काही दिवसांपासून अक्षय कुमार आणि मानुषी छिल्लर त्यांच्या चित्रपटाच्या प्रमोशनमध्ये व्यस्त आहेत. ‘सम्राट पृथ्वीराज’बद्दल सोशल मीडियावरही जोरदार चर्चा सुरू आहे, ते पाहता अक्षयचा हा चित्रपट फारच कमाई करू शकेल असे वाटते आहे.

हेही वाचा :