Sooryavanshi Song Out : 'सूर्यवंशी'चं नवं गाणं प्रदर्शित; अक्षय कतरिनाचा रोमॅंटिक अंदाज

Sooryavanshi Out : सूर्यवंशी चित्रपटातील या नव्या गाण्यामधील कतरिनाच्या डान्सने अनेकांचे लक्ष वेधले आहे.

sooryavanshi

Sooryavanshi Najaa Song Out : बॉलिवूडमधील प्रसिद्ध अभिनेता अक्षय कुमाराच्या (Akshay Kumar) सूर्यवंशी (Sooryavanshi) या आगामी चित्रपटाची प्रेक्षक उत्सुकतेने वाट पाहात आहेत. सूर्यवंशीमधील 'आयला रे आयला'  हे गाणं काही दिवसांपूर्वी प्रदर्शित करण्यात आलं. या गाण्यामध्ये रणवीर सिंग, अक्षय कुमार आणि अजय देवगण या त्रिकूटाचा भन्नाट डान्स प्रेक्षकांना पहायला मिळाला. अक्षयच्या 'खट्टा मिटा' या चित्रपटातील गाण्याचे रिक्रिएशन करून हे गाणं तयार करण्यात आले आहे. नुकतच या चित्रपटातील नवं गाणं प्रदर्शित झाले आहे. या गाण्यात अक्षयसोबत अभिनेत्री कतरिना कैफ (katrina kaif) थिरकताना दिसत आहे. 

 नाजा गाण्यातील कतरिना-अक्षयचा रोमॅंटिक अंदाज

सूर्यवंशी चित्रपटातील 'नाजा'  हे गाणं नुकतच प्रदर्शित करण्यात आलं आहे. या गाण्यामध्ये अक्षय आणि कतरिनाचा रोमॅंटिक अंदाज दिसत आहे. नाजा गाण्यामध्ये कतरिना आणि अक्षय ब्लॅक कलरच्या आऊट फिटमध्ये दिसत आहेत. गाण्यातील कतरिनाच्या लूकने आणि डान्सने  अनेकांचे लक्ष वेधले आहे. हे गाणं सोशल मीडियावर प्रचंड व्हायरल झालं असून यूट्यूबवर या गाण्याला अनेक व्ह्यूवज आणि लाइक्स मिळाले आहेत. 

सूर्यवंशी हा चित्रपट 5 नोव्हेंबर रोजी प्रदर्शित होणार आहे. प्रसिद्ध दिग्दर्शक रोहित शेट्टीने या चित्रपटाचे दिग्दर्शन केले आहे. या चित्रपटामध्ये अक्षय आणि कतरिना प्रमुख भूमिकेत दिसणार आहेत. तसेच रणवीर आणि अजय देखील चित्रपटात महत्वाची भूमिका साकारणार आहेत. चित्रपटातील सर्व कलाकार गेले  काही दिवस चित्रपटाचे प्रमोशन करताना दिसत आहेत. काही दिवसांपूर्वी कतरिनाने या चित्रपटाच्या प्रमोशनचा व्हिडीओ शेअर केला होता. व्हिडीओमध्ये कतरिना म्हणाली होती, 'आज सूर्यवंशी सिनेमाच्या प्रमोशनचा पहिला दिवस आहे. मी पहिल्यांदाच अक्षय आणि रोहितला इतका उत्साही पाहिलेलं आहे'