Drishyam 2: बॉक्स ऑफिसवर अजय देवगणची जादू; 'दृश्यम 2' नं दुसऱ्या दिवशी केली रेकॉर्ड ब्रेक कमाई

अभिषेक पाठक यांनी 'दृश्यम 2'  (Drishyam 2) या चित्रपटाचं दिग्दर्शन केलं आहे. तगडी स्टार कास्ट असणाऱ्या या चित्रपटानं रिलीज झाल्यानंतर दुसऱ्या दिवशी रेकॉर्ड ब्रेक कमाई केली आहे. 

Drishyam 2

Drishyam 2 Box Office Collection Day 2:  सस्पेन्स, थ्रिल आणि क्लायमेक्सनं सजलेल्या 'दृश्यम 2'  (Drishyam 2)  या चित्रपटाला सध्या प्रेक्षकांची पसंती मिळत आहे. हा चित्रपट 18 नोव्हेंबर रोजी रिलीज झाला. अजय देवगणच्या (Ajay Devgn)  या चित्रपटानं बॉक्स ऑफिसवर धमाकेदार ओपनिंग केली आहे. चित्रपटाच्या कथानकाचं आणि चित्रपटातील कलाकारांचं सध्या अनेक जण कौतुक करत आहेत. अभिषेक पाठक यांनी या चित्रपटाचं दिग्दर्शन केलं आहे.  तगडी स्टार कास्ट असणाऱ्या या चित्रपटानं रिलीज झाल्यानंतर दुसऱ्या दिवशी रेकॉर्ड ब्रेक कमाई केली आहे. 

‘दृश्यम 2’ चं बॉक्स ऑफिस कलेक्शन 

एका वृत्तसंस्थेनं दिलेल्या माहितीनुसार, पहिल्या दिवसाच्या तुलनेत दुसऱ्या दिवशी 'दृश्यम 2' च्या कमाईत 40 टक्क्यांनी वाढ झाली आहे. 'दृश्यम 2' ने बॉक्स ऑफिसवर दुसऱ्या दिवशी 20-21 कोटींची रेकॉर्डब्रेक कमाई केली आहे. 'ब्रह्मास्त्र' चित्रपटानंतर 'दृश्यम 2' हा या वर्षातील दुसरा असा हिंदी चित्रपट ठरला आहे, ज्याने रिलीजच्या दुसऱ्या दिवशी बॉक्स ऑफिसवर 20 कोटींहून अधिक कमाई केली आहे.

दोन दिवसांमध्ये केली एवढी कमाई 

‘दृश्यम 2’ या चित्रपटानं पहिल्या दिवशी जवळपास 14 कोटींची कमाई केली आहे. दोन दिवसांमध्ये या चित्रपटानं जवळपास 35 कोटींची कमाई केली आहे.  'दृश्यम 2' हा चित्रपट पहिल्या वीकेंडला 45-50 कोटींची कमाई करु शकतो, असा अंदाज लावला जात आहे. 

अजय देवगण, तबू, श्रेया सरन आणि अक्षय खन्ना या कलाकारांनी दृष्यम-2 चित्रपटात प्रमुख भूमिका साकारली आहे. अजय देवगण स्टारर 'दृश्यम 2' हा मोहनलालचा मल्याळम चित्रपट 'दृश्यम 2' चा हिंदी रिमेक आहे. दृश्यम चित्रपटाचा पहिला भाग 2015 मध्ये प्रदर्शित झाला. दृश्यमच्या पहिल्या भागाला देखील प्रेक्षकांची विशेष पसंती मिळाली आहे. 

दृश्यम 2 हा भारतात 3302 स्क्रीन्सवर आणि ओव्हरसीजमध्ये 858 स्क्रीन्सवर रिलीज झाला आहे.  म्हणजेच हा सिनेमा एकूण 4 हजाराहून अधिक स्क्रीन्सवर रिलीज झाला. 'दृश्यम 2' या मल्याळम सिनेमाचा हा हिंदी रिमेक आहे. अजयच्या 2015 मध्ये रिलीज झालेल्या दृश्यम या चित्रपटाला देखील प्रेक्षकांची विशेष पसंती मिळाली. या चित्रपटाच्या दुसऱ्या भागाची प्रेक्षक उत्सुकतेने वाट बघत होते.

इतर महत्वाच्या बातम्या: