Kangana Ranaut Birthday: 'धाकड गर्ल' कंगना बॅकफूटवर; वाढदिवसाला मागितली माफी; पण का? व्हिडीओ शेअर करत म्हणाली, 'माझे शत्रू...'
आज वाढदिवसानिमित्त कंगनानं (Kangana Ranaut) एक खास व्हिडीओ शेअर करुन काही लोकांची माफी मागितली आहे. तिच्या या व्हिडीओची चर्चा सोशल मीडिया होत आहे.
Kangana Ranaut Birthday: बॉलिवूडची धाकड गर्ल कंगना रनौतचा (Kangana Ranaut) आज 36 वा वाढदिवस आहे. कंगनाचे चाहते सोशल मीडियाच्या माध्यमातून कंगनाला शुभेच्छा देत आहेत. कंगना ही तिच्या वक्तव्यांमुळे चर्चेत असते. राजकारण असो किंवा बॉलिवूड, प्रत्येक क्षेत्राबद्दल आपलं मत कंगना ही बिंधास्तपणे मांडत असते. कंगनाच्या वक्तव्यांमुळे अनेक नेटकरी तिला ट्रोल करत असतात. आज वाढदिवसानिमित्त कंगनानं एक खास व्हिडीओ शेअर करुन काही लोकांची माफी मागितली आहे. तिच्या या व्हिडीओची चर्चा सोशल मीडिया होत आहे.
कंगना ही तिचा वाढदिवस सध्या उदयपूर येथे सेलिब्रेट करत आहे. नुकताच तिनं एक व्हिडीओ सोशल मीडियावर शेअर केला आहे. या व्हिडीओमध्ये कंगना ही साडी, गोल्डन ज्वेलरी आणि कपाळावर कुंकू अशा लूकमध्ये दिसत आहे. या व्हिडीओमध्ये दिसत आहे की कंगनानं तिच्या आई-वडिलांचे तसेच तिच्या गुरुंचे आभार मानले आहेत. तर कंगना तिच्या शत्रूंबाबत म्हणाली, 'माझ्या शत्रूंनी मला आराम करायला वेळ दिला नाही. त्यांनी मला लढायला शिकवलं, संघर्ष करायला शिकवलं. मी त्यांचे आभार मानते.'
पाहा व्हिडीओ:
View this post on Instagram
पुढे कंगना म्हणाते, "मित्रांनो, माझी विचारधारा खूप साधी आहे. मी नेहमी सर्वांसाठी चांगला विचार करते. देशाच्या हितासाठी मी कधी कोणाला काही बोलले असेल आणि त्या बोलण्यानं लोक दुखावले गेले असतील तर त्याबद्दलही मी माफी मागतो. माझ्या मनात प्रत्येकासाठी फक्त आपुलकी आहे, द्वेष नाही. जय श्रीकृष्ण" कंगनानं शेअर केलेल्या व्हिडीओला कॅप्शन दिलं, "माझ्या वाढदिवसाला हा मेसेज तुमच्यासाठी" कंगनाच्या या व्हिडीओनं नेटकऱ्यांचे लक्ष वेधले आहे. कंगनाच्या या व्हिडीओला अनेकांनी कमेंट्स केल्या आहे.
कंगनानं हिट चित्रपटांमध्ये केलं काम
फॅशन, तनु वेड्स मनु, क्विन तनु वेड्स मनु रिटर्न्स, मणिकर्णिका यांसारख्या हिट चित्रपटांमध्ये काम केलं. कंगनाच्या अभिनयाचं अनेक जण कौतुक करतात. कंगनाचा ‘इमर्जन्सी’ हा चित्रपट प्रेक्षकांच्या भेटीस येणार आहे. या चित्रपटाची प्रेक्षक उत्सुकतेने वाट बघत आहेत.
महत्वाच्या इतर बातम्या :
महत्त्वाच्या बातम्या
