एक्स्प्लोर

Nafisa Ali Tests Positive : अभिनेत्री नफिसा अलीला कोरोनाची लागण, गोव्यातील रुग्णालयात दाखल

Nafisa Ali Tests Positive : बॉलिवूड अभिनेत्री नफिसा अलीला कोरोनाची लागण झाली असून सध्या तिच्यावर गोव्यातील रुग्णालयात उपचार सुरू आहेत.

By : रवी जैन | Edited By: मंजिरी पोखरकर | Updated at : 08 Jan 2022 05:05 PM (IST)

नफिसा_अली

Nafisa Ali Tests Positive : देशभरात कोरोनाचा प्रादुर्भाव झपाट्याने वाढत आहे. कोरोनाचा नवीन व्हेरियंट ओमायक्रॉनबाधितांमध्येही वाढ होत आहे. गेल्या काही दिवसांत बॉलिवूड मनोरंजन सृष्टीतील अनेक सेलिब्रिटींना कोरोनाची लागण झाली आहे. आता या यादीत अभिनेत्री नफिसा अलीचे (Nafisa Ali) नावदेखील सामील झाले आहे.

64 वर्षीय नफिसा अली यांना शुक्रवारी कोरोनाची लागण झाली असून आता त्यांना गोव्यातील लष्करी रुग्णालयात दाखल करण्यात आले आहे. नफिसा त्यांच्या प्रकृतीबद्दल म्हणाल्या, "काल मला खूप ताप आला होता आणि माझी ऑक्सिजनची पातळीही खूप कमी झाली होती, पण आता माझी तब्येत ठीक आहे".

नफिसा अलीने 'जुनून' (1979), 'टेरर' (1996), 'मेजर साब' (1998), 'ये जिंदगी का सफर' (2001), मलयालम सिनेमा 'बिग बी' (2007), 'लाइफ इन ने मेट्रो' (2008), 'गुजारिश' (2010), पंजाबी सिनेमा 'लाहौर' (2010), 'यमला पगला दीवाना' (2011), 'साहेब बीवी और गैंगस्टर 3' (2018) यांसारख्या अनेक चित्रपटांमध्ये विविध भूमिका साकारल्या आहेत. अभिनय क्षेत्रात पदार्पण करण्याआधी नफिसा अलीने 1976 मध्ये मिस इंडियाचा किताब जिंकला होता. त्याआधी नफिसा अलीची राष्ट्रीय जलतरण चॅम्पियन म्हणून ओळख होती.

बॉलिवूडला कोरोनाचा विळखा
अभिनेता जॉन अब्राहम आणि त्याची पत्नी प्रिया रूंचाल तसेच अर्जुन कपूर, रिया कपूर, नोरा फतेही, मृणाल ठाकुर या कलाकारांना देखील काही दिवसांपूर्वी कोरोनाची लागण झाली होती. एकता कपूरलादेखील कोरोनाची लागण झाली आहे. बॉलिवूड अभिनेते प्रेम चोप्रांनादेखील कोरोनाची लागण झाली आहे, सध्या ते लीलावती रुग्णालयात उपचार घेत आहेत. अभिनेता नकुल मेहताला कोरोनाची लागण झाली असून आता त्याच्या मुलाला आणि पत्नीलादेखील कोरोनाची लागण झाली आहे. प्रसिद्ध गायक सोनू निगमलादेखील कोरोनाची लागण झाली आहे. दिग्दर्शक मधुर भांडारकर तसेच प्रियदर्शनलादेखील कोरोनाची लागण झाली असून सध्या त्यांच्यावर उपचार सुरू आहेत.

संबंधित बातम्या