पुन्हा विवाहबंधनात अडकणार दिया मिर्झा; होणारा पती आहे एक व्यावसायिक
अनेकांच्या काळजाचा ठाव घेणारी अभिनेत्री दिया मिर्झा हिच्या जीवनाला कलाटणी मिळणार असून, ती लवकरच एका नव्या प्रवासाची सुरुवात करणार आहे
मुंबई : 'रहना है तेरे दिल मे' या 2002 मध्ये प्रदर्शित झालेल्या चित्रपटातून आपल्या अभिनय कारकिर्दीची सुरुवात करणाऱ्या दिया मिर्झा हिनं सुरुवातीपासूनच कैक मनांवर राज्य केलं. प्रेक्षकांच्या काळजाचा ठाव घेणाऱ्या याच अभिनेत्रीच्या जीवनात आता एल नवं वळण आलं असून, त्या वळणावरुनच ती एका नव्या प्रवासाला सुरुवात करणार असल्याचं म्हटलं जात आहे.
खासगी जीवनात आलेल्या वादळांचा सामना करणाऱी दिया आता पुन्हा एकदा विवाहबंधनात अडकण्यासाठी सज्ज झाली आहे. मुंबईतच तिच्या विवाहसोहळ्याचे विधी पार पडणार असल्याचं कळत आहे. 15 फेब्रुवारीला दिया व्यावसायिक वैभव रेखी याच्यासह सात जन्मांसाठी एकमेकांची साथ देण्याचं वचनत देत लग्नगाठ बांधणार आहे.
वैभव आणि दिया एकमेकांचे मित्र होते असंही म्हटलं जातं. वैभव मुंबईतील पाली हिल या उच्चभ्रू भागात राहतो.
'एबीपी न्यूज़ हिंदी'च्या वृत्तानुसार हा विवाहसोहळा अतिशय कमीत कमी पाहुण्यांच्या उपस्थितीत आणि खासगी स्वरुपात पार पडणार आहे. दोघांच्याही कुटुंबातील काही खास पाहुण्यांचीच या सोहळ्याला उपस्थिती असेल.
View this post on Instagram
PHOTO : लोकांची धुणीभांडी ते मिस इंडिया उपविजेती...मान्या सिंहचा खडतर प्रवास
खासगी जीवनातील एक नवं पर्व...
दिया तिच्या खासगी जीवनात एका नव्या पर्वाची सुरुवात करत आहे. जीवनातील एका वादळाला सामोरं गेल्यानंतर हे सुख तिला लाभणार आहे. यापूर्वी 2014 मध्ये दियानं साहिल संघा याच्याशी लग्न केलं होतं. 5 वर्षांच्या सहजीवनानंतर या दोघांनीही विभक्त होण्याचा निर्णय घेतला. सोशल मीडिया पोस्टच्या माध्यमातून आपल्या वैवाहिक नात्यात काही कारणांस्तव दुरावा आला असून, हे नातं संपुष्टात आल्याची माहिती समोर आली होती.
महत्त्वाच्या बातम्या
