Bigg Boss: बिग बॉसच्या घरात दारू दिली जाते? स्पर्धक इंटिमेट होतात? विजेती स्पर्धक नेमकं काय म्हणाली?
Bigg Boss Behind the Camera: बिग बॉसच्या घरातील गुपितांचा खुलासा दिव्या अग्रवालने केला आहे.
Bigg Boss OTT: बिग बॉसच्या (Bigg Boss) घरात नेमकं काय काय सुरू असतं? घराच्या आत स्पर्धकांमध्ये काय चर्चा होते? स्पर्धकांना सिगारेट (Bigg Boss OTT) किंवा दारू दिली जाते का? असे अनेक प्रश्न उपस्थित केले जातात. बिग बॉसच्या घरात 24 तास कॅमेऱ्यासमोर असणारे स्पर्धक कॅमेऱ्यामागे कसे असतात? असे अनेक प्रश्न प्रेक्षकांकडून उपस्थित केले जातात. दरम्यान, बिग बॉस ओटीटीच्या पहिल्या सीझनची विजेता दिव्या अग्रवाल हिनं प्रतिक्रिया दिली आहे. एका पॉडकास्टमध्ये दिव्याने बिग बॉसच्या घरातील अनेक छूपी रहस्ये उघड केली आहेत. तिनं बिग बॉसच्या घरातील पर्सनल लाइफ, सिगारेट आणि दारुच्या निगडीत अफवांवर भाष्य केलं आहे.
दिव्याने सांगितलं की, बिग बॉसच्या घरात टोमॅटो केचअप, कॉफीसारखे पदार्थ सहजासहजी मिळत नाही. या घरात साधारण गोष्ट ही मग खूप मोठी वाटू लागते. खाण्या - पिण्याच्या गोष्टींवर मेकर्सचे कडक नियम असल्याचं दिव्यानं सांगितलं. खाण्या - पिण्याच्या व्यतिरिक्त मेकर्स सिगारेटबाबतीत बरेच उदार होते. सिगारेट एक लक्झरी आयटम नसून, ही वस्तू स्पर्धकांना मिळत राहते, असं दिव्या म्हणाली. सकाळी मेकर्स स्पर्धकांना कोणत्या ब्रँडची सिगारेट पाहिजे? असा प्रश्न विचारतात.
कॅमेऱ्यामागे बिग बॉसच्या घरात नेमकं काय काय घडतं? (Divya Agarwal On Bigg Boss Ott Winner)
दरम्यान, बिग बॉसच्या घरात दारू दिली जाते का? असा प्रश्नही प्रेक्षकांकडून उपस्थित केला जातो. यावर दिव्या म्हणते, 'बिग बॉसच्या घरात कुणालाही दारू दिली जात नाही. लोकांमध्ये या विषयाच्या निगडीत उगाच अफवा आहेत', असं दिव्या म्हणाली. दरम्यान, घरातील प्रायव्हेसीबाबत अभिनेत्रीला प्रश्न विचारण्यात आला. यावर अभिनेत्री म्हणाली, 'कॅमेऱ्यासमोर जरी काही दिसलं नाही तरी, बिग बॉसच्या घरात बऱ्याच गोष्टी घडतात'.
बिग बॉसच्या घरातून बाहेर आल्यानंतर दिव्याला प्रेक्षकांनी आणि तिच्या चाहत्यांनी अनेक प्रश्न विचारले. हे प्रश्न ऐकून दिव्याला हसू यायचं, असं अभिनेत्री पॉडकास्टमध्ये म्हणाली होती. वॅक्सिंग करण्यासाठी लोक बाहेरुन बिग बॉसच्या घरात येतात का? असाही प्रश्न दिव्याला विचारण्यात आला होता. यावर दिव्या म्हणाली, 'असं काही नाही होत. प्रेक्षकांना स्वत:चं ग्रुमिंग स्वत:ला करावं लागतं. बिग बॉसच्या घरात बाहेरुन कोणतीच मदत मिळत नाही', असं दिव्याने स्पष्ट केलं.
महत्त्वाच्या इतर बातम्या:
महत्त्वाच्या बातम्या
