Bigg Boss Marathi: 'बिग बॉस मराठी' अंतिम टप्प्यावर, Top 5 स्पर्धकांची नावं समोर; बॉटम 2 स्पर्धक कोण? कुणाचा प्रवास संपणार?
Bigg Boss Marathi 6: बिग बॉस मराठी 6 चा फिनाले एपिसोड 19 एप्रिल रोजी होणार. बॉटम 2 स्पर्धकांमध्ये विशाल आणि राखी या नावांची चर्चा.
Bigg Boss Marathi Season 6 Finale: बिग बॉस मराठीच्या (Bigg Boss Marathi 6) सहाव्या सिझनचा थरार अवघ्या काही दिवसांवर येऊन पोहोचला आहे. 17 सेलिब्रिटी स्पर्धकांसह सुरु झालेला प्रवास आता लवकरच संपेल. लोकप्रियतेचे सर्व विक्रम मोडीत काढत बिग बॉस या शोनं अविरत प्रेक्षकांचं मनोरंजन केलं. ७ स्पर्धकांमध्ये ट्रॉफी जिंकण्यासाठी चुरशीची लढत पाहायला मिळत आहे. येत्या 19 एप्रिल रोजी बिग बॉस (Bigg Boss) या महापर्वाचा अंतिम सोहळा पार पडणार आहे. दरम्यान, तन्वी कोलतेनं (Tanvi Kolte) बाजी मारली असून, तिनं टास्कमध्ये राकेश बापटला (Rakesh Bapat) हरवून तिकीट टू फिनालेचा मान पटकावला आहे. तर, रेवा कौरासे कॅप्टन असल्यामुळे तिच्यावरही एलिमिनेशनची टांगती तलवार नसणार आहे. 5 स्पर्धकांवर सध्या एलिमिनेशनची टांगती तलवार आहे. 5 मधून एका स्पर्धकाचा बिग बॉसच्या घरातील प्रवास संपणार आहे. तर, उर्वरित 6 अंतिम आठवड्यात प्रवेश करतील.
कोणत्या स्पर्धकाचा बिग बॉसच्या घरातील प्रवास संपणार? (Bigg Boss Marathi Finale)
गेल्या आठवड्यात सागर कारंडेच्या एलिमिनेशननंतर, बिग बॉसने तिकीट टू फिनाले टास्कच्या घोषणेसह 13 व्या आठवड्याची सुरुवात केली. टास्कमध्ये राकेश बापटला हरवून, तन्वी कोलतेनं तिकीट टू फिनालेचा मान पटकावला. तसेच ती पहिली फायनलिस्ट बनली. रेवा कौरासे सध्या कॅप्टन असल्यामुळे तिच्यावर एलिमिनेशनची टांगती तलवार नाही. इतर 5 स्पर्धक राकेश, विशाल, राखी, दिपाली आणि अनुश्री यांच्यात फिनालेसाठी लढत होणार आहे. 13 व्या आठवड्यातील व्होटिंग लाइन शुक्रवारपर्यंत सुरु होती. दरम्यान, अंतिम निकाल रविवारच्या एपिसोडमध्ये जाहीर केला जाईल.
भाऊच्या धक्क्यामध्ये उलगडणार एलिमिनेट झालेल्या स्पर्धकाचे नाव (Who will be eliminated in Bigg Boss Marathi 6)
View this post on Instagram
अधिकृत निकाल हा भाऊच्या धक्क्याच्या एपिसोडमध्ये जाहीर होणार आहे. या आठवड्यात नेमका कोणता स्पर्धक बाद होणार? हे जाणून घेण्यासाठी प्रेक्षक आतुर आहेत. सुरुवातीच्या ट्रेंडनुसार, या आठवड्यात राकेशला सर्वाधिक मते मिळाली आहेत. त्याच्यानंतर अनुश्रीला जास्त मते मिळाली आहेत. तर, दिपाली सय्यद ही तिसऱ्या स्थानावर आहे. तसेच बॉटम 2मध्ये राखी आणि विशाल कोटियन आहे. विशाल आणि राखीमधून एका स्पर्धकाला बिग बॉसच्या घरातून निरोप घ्यावा लागेल. विशालला काही दिवसांपूर्वी बिग बॉसने शिक्षा सुनावली होती. त्यामुळे तो संपूर्ण सिझन नॉमिनेट असणार आहे. त्यामुळे कोणता स्पर्धक बाद होणार, हे लवकरच भाऊच्या धक्क्याच्या एपिसोडमध्ये उघड होईल. मात्र, हे क्रम अधिकृत नसून, सोशल मीडिया रिपोर्ट्सनुसार ही माहिती समोर आली आहे.
महत्त्वाच्या इतर बातम्या:
महत्त्वाच्या बातम्या
