Bigg Boss: विशाल कोटियनसाठी खुशखबर; बिग बॉसच्या फिनाले आधीच मोठी गोष्ट घडली, चाहतेही आनंदी
Vishal Kotian Back in the Game: फिनाले आधी विशालच्या चाहत्यांसाठी आनंदाची बातमी. विशाल कोटियनचं इंस्टाग्राम अकाऊंट पुन्हा सुरु झालं.
Vishal Kotian Instagram Account Recovered: बिग बॉस मराठीचा (Bigg Boss Marathi) सहावा सिझन अंतिम टप्प्यावर येऊन पोहोचला आहे. टॉप 5 स्पर्धकांमध्ये सध्या ट्रॉफी जिंकण्यासाठी रस्सीखेच सुरु आहे. या शोमध्ये आता तन्वी कोलते, राकेश बापट, अनुश्री माने, दिपाली सय्यद आणि विशाल कोटियनमध्ये (Vishal Kotian) बिग बॉसची ट्रॉफी जिंकण्यासाठी स्पर्धा सुरू आहे. पहिल्या दिवसापासून विशाल कोटियन बिग बॉसच्या घरात चर्चेत राहणारा स्पर्धक ठरला. यंदाच्या सिझनचा विशाल मास्टरमाइंड ठरला. त्यानं उत्तम टास्क खेळून बिग बॉसच्या घरात एक वेगळी जागा निर्माण केली.
विशालचं इन्स्टाग्राम अकाऊंट पुन्हा सुरू (Vishal Kotian Instagram account recovered Bigg Boss Marathi 6 finale)
विशाल कोटियनचा बिग बॉसच्या घरातील प्रवास सोपा नव्हता. त्याला काही जण यंदाच्या सिझनचा मास्टरमाइंड म्हणतात. काही दिवसांपूर्वी विशालचं राकेश बापटबरोबर भांडण झालं. वैयक्तिक आयुष्यावरुन टीका केल्यामुळे बिग बॉसने विशालला शिक्षा दिली. संपूर्ण सिझन त्याला नॉमिनेट करण्यात आलं. या काळात तो बिग बॉसच्या घरात एकटा पडला. अलिकडेच त्याचं इन्स्टाग्राम अकाऊंट बंद झालं होतं. विशालचं इन्स्टाग्राम अकाऊंट बंद होण्यामागचं कारण काही समोर आलं नाही. यानंतर विशालचे चाहते संभ्रमात होते. दरम्यान, विशालच्या चाहत्यांसाठी एक आनंदाची बातमी.
विशालचं इन्स्टाग्राम अकाऊंट पुन्हा एकदा सुरु झालं आहे. त्यामुळे त्याच्या चाहत्यांना निश्चितच आनंद झाला आहे. विशाल कोटियन आणि रुचिता जामदार या दोघांचं अकाऊंट बंद झालं होतं. फिनाले आठवड्यात असं घडल्यामुळे चाहत्यांनी नाराजी व्यक्त केली होती. बिग बॉस या रिअॅलिटी शोमध्ये सोशल मीडियावरील एंगेजमेंटही पाहिले जाते. विशालचं अकाऊंट बंद झाल्यामुळे त्याचा थेट परिणाम व्होटिंग प्रक्रियेवरही बसला असता. दरम्यान, त्याचं अकाऊंट आता पुन्हा सुरु झालं आहे. विशालच्या टीमने इन्स्टाग्रामवर एक पोस्ट शेअर केली आहे. तसेच चाहत्यांना ही आनंदाची बातमी शेअर केली. विशालला भरभरुन सपोर्ट करूयात, असं पोस्टमध्ये म्हटलं आहे.
विशालच्या टीमकडून पोस्ट शेअर (Vishal Team Share Instagram Post)
'सर्व बिग बॉस मराठीच्या सहाव्या सिझनच्या चाहत्यांसाठी एक आनंदाची बातमी. विशाल कोटियनचं इन्स्टाग्राम अकाऊंट पुन्हा रिकव्हर झालं आहे. या प्रक्रियेत मदत केल्याबद्दल कलर्स मराठी आणि जिओ टीमचे आभार. आता फुल एनर्जीने सुरुवात करुयात. व्होटिंग सुरु करुयात. विशालला भरभरुन सपोर्ट करुयात...', सध्या ही पोस्ट व्हायरल होत असून, विशालच्या चाहत्यांना आनंद झाला आहे.
महत्त्वाच्या इतर बातम्या:
महत्त्वाच्या बातम्या
