Bigg Boss Marathi 6: आज विषय गंभीर! राकेश विशाल राड्यानंतर रितेश भाऊंची सहनशक्ती संपली; म्हणाले 'धक्के देण्याची वेळ.. '
नुकताच कलर्स मराठीने एक प्रोमो शेअर केलाय. या प्रोमोमध्ये बिग बॉसच्या घरातील वातावरण गंभीर झालं आहे.
Bigg Boss Marathi 6: बिग बॉस मराठीचा सहावा सीजन आता अंतिम टप्प्यावर आला आहे. (Bigg Boss Marathi6) मागील काही दिवसांपासून घरातून धक्कादायक एलिमिनेशन झाल्याने घरातील स्पर्धकांना आणि प्रेक्षकांनाही मोठे धक्के बसले. आता शेवटच्या दिवसांमध्ये बिग बॉसचा गेम आणखी कठीण होत चालला आहे. प्रत्येक स्पर्धक आपला टॉप गेम दाखवत आहे. आता पुन्हा एकदा आठवड्याचा शेवट आलाय आणि प्रेक्षकांना ज्यांच्याकडे आतुरतेने वाट पहात असतात ते रितेश भाऊ (Riteish Deshmukh) आज भाऊचा धक्क्यावर कोणाची खरडपट्टी काढणार याकडे सर्वांचे लक्ष आहे. गेल्या आठवड्यात राकेश आणि विशालमध्ये झटपट झाली. (Rakesh Vishal Fight) नॉमिनेशनच्या वेळी त्या दोघांमध्ये वैयक्तिक पातळीवरून खडाजंगी झाली. मामला हाणामारीपर्यंत पोहोचला. आता भाऊचा धक्क्यावर रितेश भाऊ दोघांनाही धक्के देणार आहेत. नुकताच कलर्स मराठीने एक प्रोमो शेअर केलाय. या प्रोमोमध्ये बिग बॉसच्या घरातील वातावरण गंभीर झालं आहे.
बिग बॉसचा प्रोमो व्हायरल
कलर्स मराठीने काही तासांपूर्वीच भाऊच्या धक्क्याचा एक प्रोमो प्रेक्षकांसोबत सोशल मीडियावर शेअर केला आहे. या प्रमोद आठवडाभर झालेल्या वादावादीचे, राड्याचे, एकमेकांचा पाणउतारा केल्याच्या काही क्लिप्स जोडल्या आहेत. रितेश भाऊ भाऊचा धक्क्यावर एन्ट्री घेतात तेव्हा ' भाऊचा धक्क्यावर आज वातावरण गंभीर असल्याचं सांगण्यात येतं. नंतर स्पर्धकांच्या एकमेकांच्या अंगावर जातानाच्या आणि या आठवड्यात जे जे एकमेकांना नडले त्यांच्या क्लिप्स दाखवण्यात आल्या. घरातील स्पर्धकांना आता काही धक्के देण्याची वेळ आली आहे, असं रितेश भाऊ म्हणताना दिसतात. त्यामुळे आजचा भाऊचा धक्का नेहमीपेक्षा जरा जास्त सिरियस झाल्याचं प्रेक्षकही म्हणत आहेत. अनेकजण या आठवड्यात कोणाला बाहेर काढावं हेही सुचवत आहेत.
View this post on Instagram
कोण धरणार घरचा रस्ता?
मागील आठवड्यात बिग बॉसच्या घरातून प्रभू शेळके आणि वाइल्ड कार्ड म्हणून एन्ट्री घेतलेला संकेत पाठक दोघांनाही घराबाहेर पडावं लागलं. प्रभू ने बाहेर आल्यानंतर तन्वी कोलते बिग बॉसची विजेती व्हावी असं म्हटलं. दरम्यान रितेश भाऊ आज कोणाची शाळा घेणार आणि आठवड्यात कोण घरचा रस्ता धरणार याकडे सर्वांचे लक्ष लागले आहे. बिग बॉसच्या घरात सध्या आठ सदस्य आहेत. यात तन्वी, अनुश्री, सागर, राखी, राकेश, रेवा, दिपाली, विशाल यांचा समावेश आहे.
महत्त्वाच्या बातम्या
