Fire On Bigg Boss Set : गोरेगाव फिल्मसिटीतील ‘बिग बॉस’च्या सेटवर मोठी आग, अग्निशमन दलाच्या 4 गाड्या घटनास्थळी दाखल

बिग बॉसच्या सेटच्या नेमक्या कोणत्या भागात आग लागली, याची माहिती अद्याप समोर आलेली नाही. आतापर्यंत कोणत्याही प्रकारची जीवितहानी झाल्याची माहिती समोर आलेली नाही.

bigg boss

Bigg Boss Set : बॉलिवूड अभिनेता सलमान खानचा (Salman Khan) रिअॅलिटी शो 'बिग बॉस'च्या (Bigg Boss) सेटवर आग लागल्याची बातमी समोर आली आहे. ‘बिग बॉस’च्या सेटवर आग (Bigg Boss Set Fire) लागल्यानंतर अग्निशमन दलाच्या 4 गाड्या घटनास्थळी पोहोचल्या असल्याचं सांगण्यात येत आहे. बिग बॉसच्या सेटच्या नेमक्या कोणत्या भागात आग लागली, याची माहिती अद्याप समोर आलेली नाही. आतापर्यंत कोणत्याही प्रकारची जीवितहानी झाल्याची माहिती समोर आलेली नाही. अग्निशमन दल आगीवर नियंत्रण मिळवण्याचे प्रयत्न करत आहे.

सलमान खानच्या ‘बिग बॉस’ या शोच्या 15व्या सीझनचा फिनाले काही काळापूर्वी पार पडला होता. या फिनालेचा भव्य प्रीमियर आयोजित करण्यात आला होता, ज्यामध्ये बिग बॉस 15 चे सर्व स्पर्धक उपस्थित होते. 'बिग बॉस'च्या सेटवर आग लागल्यानंतर चांगलाच गोंधळ उडाला आहे. अग्निशमन दलाच्या गाड्या घटनास्थळी दाखल झाल्या आणि आग विझवण्याचे काम सुरू झाले.

‘बिग बॉस 15’बद्दल बोलायचे तर, करण कुंद्रा, सिम्बा नागपाल, निशांत भट्ट, शमिता शेट्टी, रश्मी देसाई आणि तेजस्वी प्रकाश यांसारख्या सेलिब्रिटींनी यात भाग घेतला होता. शोमध्ये तीन महिन्यांहून अधिक काळ घालवल्यानंतर, तेजस्वी प्रकाशने ‘बिग बॉस’ची ट्रॉफी जिंकली. यासोबतच तिला एकता कपूरच्या लोकप्रिय 'नागिन 6'च्या नवीन सीझनमध्ये मुख्य भूमिका साकारण्याची संधी मिळाली आहे. 

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha