Ranveer Singh : मुलगा की मुलगी? रणवीर सिंग काय हवंय? प्रश्नावर अभिनेता म्हणाला...
Ranveer Singh : बॉलीवूडमधल्या एका जोडप्याच्या घरी लवकरच नवा पाहुणा येणार असून सोशल मीडियवरही सध्या त्याचीच चर्चा सुरु आहे.
Ranveer Singh : दीपिका पादुकोण (Deepika Padukone) आणि रणवीर सिंह (Ranveer Singh) या दोघांनीही काही महिन्यांपूर्वी त्यांच्या चाहत्यांना गुडन्यूज दिली. त्यानंतर अनेक कार्यक्रमांमध्ये दीपिकाचं बेबी बंप दिसलं. तसेच अनेक ठिकाणी रणवीर तिला सावरताना देखील दिसला. त्यांनी गुडन्यूज दिल्यापासून त्यांच्या चाहत्यांना देखील एका गोष्टीची बरीच उत्सुकता लागून राहिली आहे. ते म्हणजे रणवीर-दीपिकाला मुलगा होणार की मुलगी?
दरम्यान रणवीर सध्या त्याच्या जयेशभाई जोरदार या सिनेमाच्या प्रमोशनमध्ये व्यस्त आहे. याच सिनेमाच्या प्रमोशनदरम्यान रणवीरला हा प्रश्न विचारण्यात आला. तुला मुलगा हवा की मुलगी असं रणवीरला यावेळी विचारण्यात आलं. त्यावर त्याने दिलेल्या उत्तराने साऱ्यांचीच मनं जिंकलीत. त्याच्या या उत्तराची सध्या सोशल मीडियावरही बरीच चर्चा सुरु आहे.
रणवीरने काय म्हटलं?
रणवीरने या प्रश्नाचं उत्तर देताना म्हटलं की, 'मंदिरात जाताना तुम्ही लाडू हवा की शिरा हवा असं विचारत नाही. त्याचप्रमाणे माझ्या खासगी आयुष्यतही मी हेच म्हणेन. देवाने माझ्यासाठी जे काही ठरवलं आहे, त्यामध्ये मी मनापासून आनंदी राहीन.'
मला दीपिकासारखं बाळ हवंय - रणवीर
दरम्यान एका मुलाखतीमध्ये बोलताना रणवीरने म्हटलं होतं की, 'मला दीपिकासारखं बाळ हवं आहे. कारण दीपिका लहानपणी खूप गोड होती. मी रोज तिच्या बालपणीचे फोटो पाहतो आणि तिला म्हणतो की, मला तुझ्यासारखं बाळ हवं आहे, जेणेकरुन माझं आयुष्य आणखी आनंदी होईल.'
दीपिका-रणवीरच्या घरी छोट्या पाहुण्याचं आगमण कधी होणार?
दीपिका पादुकोण आणि रणवीर सिंह 2018 मध्ये लग्नबंधनात अडकले. त्यानंतर दीपिका आणि रणवीरने आपली डेटिंग लाइफ एन्जॉय केली आहे. लग्नाच्या सहा वर्षानंतर सप्टेंबर 2024 मध्ये दीपिका आणि रणवीर आई-बाबा होणार आहेत. काही महिन्यांपूर्वी दीपिका आणि रणवीरने चाहत्यांसोबत गुडन्यूज शेअर केली. सोशल मीडियावर पोस्ट शेअर करत त्यांनी सप्टेंबर महिन्यात छोच्या पाहुण्याचं आगमण होणार असल्याचं म्हटलं आहे. त्यामुळे चाहत्यांना आता त्यांच्या बाळाची प्रतीक्षा आहे. दीपिकाचा 'फायटर' (Fighter) हा चित्रपट काही दिवसांपूर्वी प्रेक्षकांच्या भेटीला आला होता. आता तिच्या आगामी चित्रपटांची चाहत्यांना उत्सुकता आहे.
ही बातमी वाचा :
महत्त्वाच्या बातम्या
ट्रेंडिंग न्यूज
