Marathi Actor : 'काय करतो आजोबा तू...', रिल्समुळे अविनाश नारकर ट्रोल; ऐश्वर्या नारकर म्हणाल्या, थोडी तरी लाज...
Aishwarya Narkar-Avinash Narkar : अभिनेते अविनाश नारकर आणि ऐश्वर्या नारकर यांना पुन्हा एकदा नेटकऱ्यांनी त्यांच्या रिल्समुळे ट्रोल केलं आहे. त्यावर ऐश्वर्या नारकर यांनी देखील चोख उत्तर दिलंय.
Aishwarya Narkar-Avinash Narkar : अभिनेते अविनाश नारकर (Avinash Narkar) आणि अभिनेत्री ऐश्वर्या नारकर (Aishwarya Narkar) हे जोडपं सध्या सोशल मीडियावर चांगलच चर्चेत आलं आहे. त्यांच्या रिल्सची सोशल मीडियावर तुफान चर्चा सुरु असते. अनेक ट्रेंडिंग गाण्यावर हे जोडपं रिल्स करत असतात. त्यामुळे त्यांचे रिल्सही सोशल मीडियावर तुफान व्हायरल होत असल्याचं पाहायला मिळतंय. पण त्यांच्या या रिल्समुळे त्यांना तितक्याच प्रमाणात ट्रोल देखील केलं जातंय.
अविनाश नारकर आणि ऐश्वर्या नारकर हे मराठी सिनेसृष्टीमधलं एव्हरग्रीन जोडपं आहे. त्यांच्या सोशल मिडिया रिल्सवर त्यांच्या याच गोष्टीवरुन ट्रोल केलं जातंय. पण या ट्रोलर्सना ऐश्वर्या नारकरही जशास तसं उत्तर देत असल्याचं पाहायला मिळतं. त्यामुळे सोशल मीडियावर जितकं त्यांच्या रिल्सची चर्चा होते तितकीच ऐश्वर्या नारकर या ट्रोलर्सना देत असलेल्या उत्तराची होत असते.
ऐश्वर्या नारकर आणि अविनाश नारकर यांचं रिल
ऐश्वर्या नारकर आणि अविनाश नारकर यांनी एका तमिळ गाण्यावर रिल केलं आहे. त्यांच्या या रिलवर अनेकांनी कमेंट्स देखील केल्याचं पाहायला मिळतंय. त्यांच्या याच रिलवर ट्रोलर्सनी देखील कमेंट्स केल्या आहेत. विशेष म्हणजे त्यांच्या या रिलला एक मिलियनपेक्षा जास्त व्ह्युज मिळाले आहेत.
View this post on Instagram
रिल्सवर ट्रोलर्सच्या कमेंट्स
त्यांच्या या रिलवर एकाने कमेंट करत म्हटलं की, घे एकत्र बरे दिसत आहात..पण श्रीयुत. नारकर यांनी तोंडाचे आचरट हावभाव केले नाहीत तर खूप सुसह्य होईल. तसेच एका युजरने कमेंट करत म्हटलं की, बघ आता आजोबा लका स्वतःला लाज वाटली पाहिजे...काय करतो आजोबा लका तू.. अशा कमेंट्स आल्या आहेत. याच कमेंट्सवर ऐश्वर्या नारकर यांनी उत्तर दिलं आहे.
ऐश्वर्या नारकर यांनी ट्रोलर्सना दिलं उत्तर
ऐश्वर्या नारकर यांनी पहिल्या युजरला उत्तर देत म्हटलं की, तुम्ही अनफॉलो केलंत तर फार सुसह्य होईल. इथे फार चांगले लोक आहे,तुम्ही त्यात शोभत नाही. दुसऱ्या युजरच्या कमेंटवर उत्तर देत ऐश्वर्या नारकर यांनी म्हटलं की, लेका झीरो पोस्ट तुझ्या, लाज तुला वाटायला हवी.
ही बातमी वाचा :
Before You Go
Majha Sanman Award 2026: अरुण फिरोदिया यांचा उद्योगक्षेत्रातील अतुलनीय कामगिरीबद्दल ‘माझा सन्मान’ पुरस्काराने गौरव
महत्त्वाच्या बातम्या
