'मी मारेन किंवा मार खाऊन...' बिग बॉसच्या घरात जाण्याबद्दल अमृता खानविलकर काय म्हणाली?
Amruta Khanvilkar Refused to Join Bigg Boss Marathi: बिग बॉसच्या घरात जाण्याबद्दल तिला प्रश्न विचारण्यात आला. या प्रश्नावर तिनं आपलं मत मांडलं आहे.
Amruta Khanvilkar Opens Up About Bigg Boss Marathi Participation: सध्या सर्वत्र बिग बॉस मराठीच्या सहाव्या सिझनची चर्चा आहे. पाचव्या आठवड्यापर्यंत स्पर्धकांची बरीच चर्चा रंगली. पाचव्या आठवड्यात दोन स्पर्धकांना बाद करण्यात आलं. आता या शोमध्ये अधिक रंगत वाढत चालली आहे. बिग बॉसच्या घरात सिने कलाकारांपासून इन्फ्ल्युएंसरपर्यंत, अनेक जण सहभागी होतात. हळूहळू स्पर्धकांचे खरे चेहरे समोर येतात. यामुळे स्पर्धकांचा मूळ स्वभाव दिसून येतो. बिग बॉसमुळे काहींचं नशीब उजळलं. काहींना फेम मिळाली. तर, काहींना नवं काम मिळण्यास मदत झाली. आतापर्यंत अनेक कलाकारांनी बिग बॉसमध्ये जाण्याची इच्छा व्यक्त केली. मराठी अभिनेत्री अमृता खानविलकर हिनं देखील बिग बॉसच्या घरात जाण्याची इच्छा व्यक्त केली.
बिग बॉसच्या घरात स्पर्धक म्हणून जाण्याबद्दल अभिनेत्रीनं एका मुलाखतीत भाष्य केलं आहे. अमृता म्हणाली, 'मी माझ्या कारकि‍र्दीत आतापर्यंत अनेक शो केले आहेत. बऱ्याच कार्यक्रमांमध्ये सहभाग घेतला आहे. मला माझ्या कुटुंबाने फक्त या शोमध्ये जाण्यास नकार दिला आहे. त्यांना असं वाटतं की, मी जर बिग बॉसच्या घरात गेले तर, मी कुणाला तरी मारेन किंवा मार खाऊन येईन. मी कुणाकडून मार खाऊन घेणार नाही, हे मात्र तितकंच खरं आहे', असं अभिनेत्री म्हणाली.
'काही गोष्टी पडद्यामागेच चांगले वाटतात. या गोष्टी मला करायचे नाही', असं अभिनेत्रीनं स्पष्ट केलं. त्यामुळे आगामी काळात बिग बॉसच्या घरात दिसणार का? हे पाहणं उत्सुकतेचं ठरेल.
View this post on Instagram
अमृता खानविलकरने मराठीसह हिंदी सिनेसृष्टीतही आपल्या अभिनयाचा डंका गाजवला आहे. तिनं आतापर्यंत अभिनय आणि नृत्यशैलीतून प्रेक्षकांच्या मनावर अधिराज्य गाजवलं आहे. तिचा चाहतावर्ग खूप मोठा आहे. ती सध्या 'तस्करी' या वेब सिरीजमुळे प्रचंड चर्चेत आहे. 'तस्करी'मध्ये अमृता खानविलकर प्रमुख भूमिकेत आहे. तर अभिनेता इम्रान हाश्मी मुख्य भूमिका साकारत आहे. ही वेब सिरीज आपल्याला नेटफ्लिक्सवर पाहायला मिळेल. या वेब सिरीजला प्रेक्षकांकडून उत्स्फुर्त प्रतिसाद मिळतो आहे.
महत्त्वाच्या इतर बातम्या:
Before You Go
Mann Suddha Tujha Season 3 : युरेका...युरेका | मन सुद्ध तुझं | Episode 3 | ABP Majha
महत्त्वाच्या बातम्या
