Amrita Rao : ‘... म्हणून तू ते सगळं सोडून दे!’, ‘सिक्रेट वेडिंग’पूर्वी अमृता रावच्या नवऱ्याने केली होती ‘ही’ मागणी!

Amrita Rao Wedding Vlog : अभिनेत्रीने तिच्या इन्स्टाग्राम हँडलवर तिच्या ‘सिक्रेट’ लग्नातील एक फोटो शेअर केला आहे, ज्यामध्ये ती तिचा पती अनमोलसोबत खूप आनंदी दिसत आहे.

Amrita Rao

Amrita Rao Wedding Vlog : बॉलिवूड अभिनेत्री अमृता रावने (Amrita Rao) तिचा बॉयफ्रेंड आरजे अनमोल (RJ Anmol) याला जवळपास 7 वर्षे डेट केल्यानंतर, 2016 मध्ये त्याच्याशी लग्नगाठ बांधली. बॉलिवूडची ही जोडी त्यांच्या वैयक्तिक आयुष्याबद्दल कधीच फारशी बोलत नाही. परंतु, नुकत्याच एका मुलाखतीत अमृताने तिच्या सिक्रेट वेडिंग आणि पतीशी संबंधित अनेक मुद्द्यांवर खुलेपणाने भाष्य केले आहे.

अमृता तिच्या एका चित्रपटाच्या प्रमोशनसाठी अनमोलच्या रेडिओ शोमध्ये हजर होती, याच वेळी दोघांची मनं जुळली. यानंतर दोघेही प्रेमात पडले आणि 2016 मध्ये त्यांनी आपल्या लग्नाची घोषणा केली. मात्र, त्यांनी 2014मध्येच सात फेरे घेतले होते. लग्नाबद्दल गुप्तता का ठेवली? या प्रश्नाला उत्तर देताना अमृता राव म्हणाली, ‘होय, आमचे लग्न 2014 मध्ये झाले होते. या लग्नाला फक्त खास कुटुंबीयच उपस्थित होते. त्यावेळी सोशल मीडिया नव्हता. ते जग आताच्या जगापेक्षा खूप वेगळं होतं. लग्नाच्या बातमीने माझ्या कारकिर्दीतील अनेक शक्यता नष्ट होऊ शकत होत्या. या सगळ्यात चांगली गोष्ट म्हणजे अनमोलला या सगळ्याची कल्पना होती. तसेच, योग्य वेळी लग्न होणे देखील गरजेचे होते.’

अभिनेत्री म्हणाली की, ‘या सिक्रेट लग्नाची कल्पना प्रथम अनमोलला आली आणि नंतर मी देखील त्यात सहभागी झाले. आमच्या लग्नात फक्त घरातील सदस्यच होते, कारण आम्हाला वाटतं केवळ खास माणसंच खरी आनंदी असतात.’

शेअर केला लग्नाचा व्हिडीओ

अभिनेत्रीने तिच्या इन्स्टाग्राम हँडलवर तिच्या लग्नातील एक फोटो शेअर केला आहे, ज्यामध्ये ती तिचा पती अनमोलसोबत खूप आनंदी दिसत आहे. या फोटोला कॅप्शन देत अभिनेत्रीने चाहत्यांना सांगितले की, तिच्या यूट्यूब चॅनलवर तिचा 'सिक्रेट वेडिंग'चा ब्लॉग आला आहे.

पाहा व्हिडीओ :

नवऱ्याने करिअर सोडण्याची मागणी केलेली!

अमृता रावने या मुलाखतीत खुलासा केला की, अनमोलला 2012 मध्येच अमृताशी लग्न करायचे होते आणि अभिनेत्रीने तिचे अभिनय करिअर सोडावे अशी त्याची इच्छा होती. अमृता म्हणाली, 'त्यावेळी अनमोल पाहत होता की, माझ्या करिअरचा आलेख सतत घसरत आहे. मी चुंबन किंवा इंटिमेट सीन करण्यासाठी कम्फर्टेबल नव्हते. आम्हाला वाटले की, आपण आपल्या सुंदर वैयक्तिक आयुष्यावर लक्ष केंद्रित केले पाहिजे. त्याचवेळी अनमोलची करिअर सोडण्याची मागणी ऐकून मी हादरले होते. मात्र, नंतर अनमोललाही त्याची चूक जाणवली आणि त्याने आपली मागणी मागे घेतली.’

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha